EBINOM KA SƐ onni din, afoforo nso ka sɛ ne din de Onyankopɔn anaa Awurade, na nnipa bi nso ka sɛ ne din de, ɛdɔɔso. Wo nso ɛ?

NEA BIBLE NO KA

“Wo a wo din de Yehowa no, wo nko ara ne Ɔsorosoroni, asase nyinaa so.”—Dwom 83:18.

DƐN BIO NA BIBLE NO KA?

• Ɛwom sɛ Onyankopɔn wɔ abodin ahorow pii de, nanso wama n’ankasa ne ho din.—Exodus 3:15.

• Yebetumi ahu onii ko a Onyankopɔn yɛ; ɔpɛ sɛ yehu no.—Asomafo Nnwuma 17:27.

• Ade a edi kan a ɛbɛma yɛatumi afa Onyankopɔn adamfo ne sɛ yebehu ne din.—Yakobo 4:8.

WUBEBUA SƐN?

• Yiw

• Dabi

• Egyina sɛnea wode bedi dwuma so

NEA BIBLE NO KA

“Mfa Yehowa wo Nyankopɔn din nni agoru.” (Exodus 20:7) Ɛyɛ mfomso sɛ wode Onyankopɔn din bedi dwuma wɔ ɔkwammɔne so.—Yeremia 29:9.

DƐN BIO NA BIBLE NO KA?

• Ná Yesu nim Onyankopɔn din na ɔde dii dwuma.—Yohane 17:25, 26.

• Onyankopɔn ka sɛ yɛmfa ne din mfrɛ no.—Dwom 105:1.

• Onyankopɔn atamfo bɔ mmɔden sɛ wɔbɛma nkurɔfo werɛ afi ne din.—Yeremia 23:27.