Mmebusɛm 5:1-23
5 Me ba, tie me nyansa.
Na yɛ aso tie me nhumu,+
2 Na ama woahwɛ w’adwempa so;Na wode w’ano abɔ nimdeɛ ho ban.+
3 Ɔbea a waman* ano sosɔ sɛ ɛwokyɛm,+Na n’ano yɛ dɛ sen ngo.*+
4 Nanso akyiri yi ɔyɛ nwene te sɛ awɔnwene,+Na ɔyɛ nnam te sɛ sekan anofanu.+
5 Ne nan sian kɔ owu mu.
N’anammɔn kɔ Ɔdamoa* mu tẽẽ.
6 Onnwen nkwa kwan ho.
N’akwan manman, na onnim baabi a ɔrekɔ.
7 Afei me mma, muntie me,Na monnnan mmfi nea mereka yi ho.
8 Twe wo ho fi ne ho koraa;Mmɛn ne fi kwan ano,+
9 Na woamfa w’anuonyam amma ebinom,+Na woantwa so aba yayaayaw mfe pii;+
10 Na ahɔho anni w’agyapade,*+Na nea wobrɛ pɛe no ankodi obi foforo fi,
11 Anyɛ saa a, wode wo nsa begu wo ti asu, bere a wo nkwa reba awiei,Bere a wo honam ne wo nipadua asɛe awie no.+
12 Na wobɛka sɛ: “Ao, hwɛ sɛnea metan nteɛso!
Hwɛ sɛnea me koma amfa ɔkasakyerɛ anyɛ hwee!
13 Mantie m’afotufo nne,Na manyɛ aso antie m’akyerɛkyerɛfo.
14 Aka kakraa bi na masɛe koraaWɔ asafo no nyinaa mu.”*+
15 Nom wo ara w’abura mu nsu,Ne nsu a wo ara woatu.+
16 Adɛn nti na ɛsɛ sɛ woma nsu a woatu bɔ pete abɔnten,Na w’asuten sen fa mmorɔn so?+
17 Ma ɛnyɛ wo nko ara dea,Na mma ɛnnyɛ wo ne ahɔho dea.+
18 Ma nsu a wo ara woatu* nyɛ nhyira,Na wo ne ɔbea a wowaree no wo mmeranteberem no ani nnye;+
19 Ɔyɛ ɔdɔ wansan* ne bepɔw so apɔnkye a oyi akyẽa.+
Ma ne nufu nsɔ w’ani* daa.
Tɔ ne dɔ mu ntintan daa nyinaa.+
20 Enti me ba, adɛn nti na ɛsɛ sɛ wotɔ ɔbea a waman* dɔ mu,Na wofam ɔbea a ne bra asɛe?*+
21 Onipa akwan da Yehowa anim,Na ɔhwehwɛ n’akwan nyinaa mu.+
22 Ɔbɔnefo de, ɔno ara n’amumɔyɛ na ebesum no afiri,Na n’ankasa bɔne nhama na ɛbɛkyekyere no.+
23 Obewu, efisɛ wannye nteɛso antom,Na ne nkwaseasɛm bebrebe nti, ɔbɛyera.
Ase Hɔ Nsɛm
^ Anaa “n’ano yɛ dɛ.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Anaa “ansɛe w’ahoɔden.”
^ Nt., “Wɔ bagua no ne asafo no mu.”
^ Anaa “w’asuti.”
^ Anaa “wansan bere.”
^ Anaa “Ma ne nufu mma w’ani nnye.”
