Mmebusɛm 21:1-31
21 Ɔhene koma te sɛ asubɔnten wɔ Yehowa nsam.+
Baabi a Ɔpɛ biara na Ɔdan kɔ.+
2 Onipa akwan nyinaa yɛ papa wɔ n’ani so,+Nanso Yehowa na ɔhwehwɛ koma* mu.+
3 Sɛ obi yɛ adetrenee na ɔyɛ nea ɛteɛ a,Ɛsɔ Yehowa ani sen afɔrebɔ.+
4 Ahantan ani ne ahantan koma,Ɛno ne kanea a ɛkyerɛ abɔnefo kwan; ne nyinaa yɛ bɔne.+
5 Nsiyɛfo nhyehyɛe bewie yiye,*+Na obiara a ɔpere ne ho de, ohia na ebehia no.+
6 Agyapade a wɔde atoro tɛkrɛma nya no,Ɛte sɛ ntutuw a ehuw kɔ; ɛyɛ afiri a edi awu.*+
7 Abɔnefo awudisɛm na ɛbɛpra wɔn akɔ,+Efisɛ wɔmpɛ sɛ wɔde atɛntrenee yɛ adwuma.
8 Ɔbarima a odi fɔ no, ne kwan akyea,Na ɔtreneeni de, ne nnwuma teɛ.+
9 Eye sɛ wobɛtena mmantwea baabi wɔ ɔdan atifi,Sen sɛ wo ne ɔyere a ɔpɛ ntɔkwaw* bɛtena ofi baako mu.+
10 Ɔbɔnefo* kɔn dɔ bɔne;+Onhu ne yɔnko mmɔbɔ.+
11 Sɛ wɔtwe ɔfɛwdifo aso a, ogyimifo sua nyansa,Na sɛ onyansafo nya nhumu a, onya nimdeɛ.*+
12 Ɔtreneeni No hwɛ ɔbɔnefo fi;Otu abɔnefo ase ma wɔsɛe.+
13 Obiara a mmɔborɔwafo su a, osisiw n’aso no,Ɔno nso bɛfrɛ, na wɔrennye no so.+
14 Akyɛde a wɔde ma wɔ kokoam dwudwo abufuw,+Na adanmude* a wɔde ma wɔ ahintawee mu dwudwo abufuhyew.
15 Ɛyɛ anigye ma ɔtreneeni sɛ ɔde atɛntrenee bɛyɛ adwuma,+Na abɔnefo de, ɛyɛ biribi a ɛyɛ hu ma wɔn.
16 Onipa a ɔman fi nhumu kwan so no,Ɔbɛhome wɔ awufo asafo mu, wɔn a wontumi nyɛ hwee no.+
17 Nea ɔpɛ anigye no,* ebehia no;+Na nea ɔpɛ nsã* na n’ani gye ngo ho no, ɔrennya sika.
18 Wɔde ɔbɔnefo bɛyɛ agyede ama ɔtreneeni,Na wɔde Okontomponi besi ɔtreneeni anan.+
19 Eye sɛ wobɛtena sare soSen sɛ wo ne ɔyere gyigyefo a ɔpɛ ntɔkwaw bɛtena.+
20 Agyapade a ɛsom bo ne ngo wɔ onyansafo fi,+Na ɔkwasea de, ɔbɛsɛe* nea ɔwɔ.+
21 Obiara a ɔhwehwɛ trenee ne ɔdɔ a enni huammɔ no,Obenya nkwa ne trenee ne anuonyam.+
22 Onyansafo betumi aforo akatakyi kurow*Na wakɔsɛe ahoɔden a wɔde wɔn ho ato so no.+
23 Nea ɔhwɛ n’ano ne ne tɛkrɛma yiye no,Oyi ne ho* fi ɔhaw mu.+
24 Ɔhantanni a abufuw ahyɛ no ma no,Wɔbɛfrɛ no ɔhantanni a ɔhoahoa ne ho a odwa n’anom.+
25 Ɔkwadwofo akɔnnɔde na ebekum no,Efisɛ ɔmfa ne nsa nyɛ adwuma.+
26 Daa nyinaa n’ani bere ade papaapa.Ɔtreneeni de, ɔkyɛ ade, na ɔmfa hwee nkame obiara.+
27 Abɔnefo afɔrebɔ yɛ akyiwade.+
Na sɛ adwemmɔne* bata ho de a, enye koraa!
28 Nea odi adanse a ɛnyɛ nokware no, ɔbɛyera,+Na onipa a otie asɛm no, n’adanse begyina.*
29 Ɔbɔnefo yɛ n’anim sɛ ɔwɔ akokoduru ara ma,+Nanso ɔtreneeni na n’akwan bewie yiye.*+
30 Nyansa ne nhumu ne afotu biara nni hɔ a ebetumi ne Yehowa adi asi.+
31 Wosiesie ɔpɔnkɔ ma ɔko da,+Nanso Yehowa na nkwagye yɛ ne dea.+
Ase Hɔ Nsɛm
^ Anaa “adwene a obi de yɛ biribi.”
^ Anaa “de mfaso ba.”
^ Ebetumi nso akyerɛ, “ma wɔn a wɔhwehwɛ owu.”
^ Anaa “gyigyefo.”
^ Anaa “Ɔbɔnefo kra.”
^ Anaa “ohu nea ɛsɛ sɛ ɔyɛ.”
^ Anaa “braeb.”
^ Anaa “Nea ɔdɔ anigyede no.”
^ Anaa “bobesa.”
^ Nt., “ɔbɛmene.”
^ Anaa “adi nnɔmmarima kurow so.”
^ Anaa “ne kra.”
^ Anaa “aniwude.”
^ Nt., “ɔbɛkasa daa.”
^ Anaa “ɔma n’akwan wie yiye.”
