“A tino amio‵tonu ka fai mō latou te lalolagi, kae ka ‵nofo latou i ei ki te se-gata-mai.”

Salamo 37:29

“Kae ko te lalolagi e tumau eiloa ki te se-gata-mai.”

Failauga 1:4

“Ka fakaseai ne ia te mate ki te se-gata-mai, kae ko te Aliki Sili ko Ieova ka ‵solo ne ia a loimata mai i mata katoa.”

Isaia 25:8

“I te taimi tenā a mata o tino ‵kivi ka ‵kite, kae ko taliga o tino ‵tuli ka ‵logo. I te taimi tenā a tino ‵pili ka eva e pelā mo te tia, kae ko te gutu o te tino gūgū ka kalaga mo te ‵lifu. Me ka ‵puna mai a vai i te koga lavaki, mo tamā vaitafe i te toafa laugatasi.”

Isaia 35:5, 6

“Ka ‵solo kea‵tea ne ia a loimata katoa mai i olotou mata, kae ka se toe ai se mate, ka se toe ai foki se fanoanoa, se tagi io me se ‵mae. Ko palele atu a mea mua.”

Fakaasiga 21:4

 “Ka faite ne latou olotou fale kae ‵nofo i ei, kae ka ‵toki ne latou a togavine kae ‵kai ki olotou fuataga. Ka se faite ne latou a fale kae ‵nofo i ei a nisi tino, io me ‵toki ne latou a fuaga kae ‵kai ki ei a nisi tino. Me i aso o oku tino ka pelā mo aso o se lakau, kae ko galuega e fai ne olotou lima ka fia‵fia ki ei oku tino filifilia.”

Isaia 65:21, 22