TE FALELEOLEO MALUGA (LŌMIGA MŌ SUKESUKEGA) Iulai 2015
E aofia i te lōmiga tenei a mataupu mō sukesukega i te masina o Aokuso 31 ki a Setema 27, 2015.
Ne Ofo Atu a Latou Eiloa mo te Fia‵fia
Ke fai‵tau ki tala o tino taka mo tauavaga kolā ne olo atu ki Lusia o ga‵lue i koga kolā e lasi te manakoga i ei. Ne lavea ne latou te tāua ke fakalagolago malosi ki a Ieova!
Galuega ke Fakagaligali te Palataiso Faka-te-Agaga
E mata, e ‵pau a te palataiso faka-te-agaga mo te faletapu faka-te-agaga? Se a te “palataiso” ne lavea ne Paulo i te “lagi tuatolu”?
Tavini ki a Ieova i “Aso [ko] Toeaina” ei Koe
E mafai pefea koe o tumau i te fakatuanaki kae malosi i te taviniga ki a Ieova? Ke mafau‵fau ki tavini a Ieova i taimi o te Tusi Tapu kolā ne tumau i te tavini atu ki a ia mo te fia‵fia.
“Ko Pili Mai te Taimi ka Faka‵sao ei Koutou!”
Se a te fekau ka talai atu mai tua o te kamataga o te fakalavelave lasi? Se a te mea ka tupu ki te kau fakaekegina i te taimi tenā?
E Mata, e Tāua Māfai e Lavea mai au Galuega ne se Tino?
Te fakaakoakoga a Pesaleli mo Oliapo e fesoasoasni mai ke loto fakafetai tatou ki te munatonu tāua tenei: E lavea ne Ieova ‵tou galuega, faitalia e seai ne tino e lavea mai ne latou.
Ke Tumau Tou Fakamaoni ki te Malo o te Atua
E mafai pefea o akoako ne Kelisiano a latou eiloa ke fakamaoni ki a Ieova mo tena Malo?
Tenei ‵Tou Koga Tapuaki
E fakaasi atu pefea ne tatou te āva ki ‵tou koga tapuaki? E maua pefea a mea tau tupe mō faite ‵tou Fale Tapuaki?
E Iloa ne Koe?
E fai mai te Tusi Tapu me e isi ne koga i te fenua o te Folafolaga ne togāvao. Kafai e onoono atu ki te tulaga o ia i aso nei, e mata, ne fai eiloa penā i aso mua?
