Faitau te Kenese 25:​29-34 ke iloa aka me ne fai ne Esau mo Iakopo a fakaikuga ‵poto io me ikai.

Keli malosi ifo ki te tala kātoa. Ne a mea ne ‵tupu mai mua? (Kene. 25:​20-28) Ne a mea ne ‵tupu mai tua ifo?—Kene. 27:​1-46.

Keli malosi ifo ki fakamatalaga likiliki. I aso konā, ne a tauliaga mo tiute ne maua ne se tamaliki tagata toekimua?—Kene. 18:​18, 19; w10 5/1 13.

• E mata, e manakogina ke fai se tagata mo fai se toekimua ko te mea ke fai a ia mo fai se tupuga o te Mesia? (w17.12 14-15)

Mafaufau ki akoakoga e tauloto ne koe mai i ei kae fakagalue aka. Kaia ne tāua ‵ki ei a te tauliaga o te tama toekimua ki a Iakopo i lō Esau? (Epe. 12:​16, 17; w03 10/15 28-29) Pefea a lagonaga o Ieova ki te tautaina konei, kae kaia? (Mala. 1:​2, 3) Ne a mea ne mafai o fai ne Esau ko te mea ke fai ne ia a fakaikuga tai ‵lei atu?

• Fesili ifo ki a koe, ‘E mafai pefea o fakaasi atu toku loto fakafetai mō mea faka-te-agaga i aku polokalame i loto i te vaiaso, e pelā mo te fakatoka ki te tapuakiga a kāiga?’