Pa 12 July 2024, mubali Vasiliy Meleshko wali kufumiskika mu jele. Ŵakamusanga na mulandu ndipo khoti likadumura kuti wakhale vyaka vitatu mu jele mu chaka cha 2021.

Apo wakaŵa mujele Vasiliy ŵakamusamuskiranga mu malo ghakupambapambana 7. Mwakuti ulendo unyake muwoli wa Vasiliy, Zoya, wakamanya yayi uko mfumu wake wakaŵa pafupifupi kwa mwezi umoza. Ichi chikaŵa chakusuzga chomene chifukwa Vasiliy wakaŵa na masuzgo ghakupambanapambana gha muthupi.

Pakuyowoya ivyo vikawovwira iyo na Vasiliy panyengo iyo ŵakaŵira lumoza yayi, Zoya wakayowoya kuti: “Tikamanya kuti Satana wangakondwa chomene usange tingazomerezga suzgo ili kutimbanizga nthengwa yithu kweniso kutiwezgera nyuma mwauzimu fundo iyi yikatovwira kuti tichite chilichose icho tingafiska kuti tivikilire nthengwa yithu kweniso ubwezi withu na Yehova. Vasiliy wakanilemberanga makalata ghakunikhozga agho ghakanovwiranga kumanya kuti wakunitemwa kweniso wakaluwanga yayi kunikhozga mwauzimu.”

Ndise ŵakukondwa kuti Vasiliy wasanganaso na Zoya kweniso ŵakutemweka ŵawo. Apo tikulutilira kulombera ŵabali na ŵadumbu ŵithu awo ŵali mujele chifukwa cha chipulikano chawo, tili na chigomezgo chose kuti Yehova watovwirenge pa masuzgo ghithu ghose.—Salimo 55:22.