Pa 29 May 2024 khoti likuru la Zeyskiy muchigaŵa cha Amur liri kusanga kuti mubali Yevgeniy Sokolov ngwakwananga ndipo liri kudumura kuti waleke kusangikaso na mulandu kwa vyaka vitatu. Ndipo walutenge ku jele yayi pasono.

Uwu ni mulandu wachiŵiri pa milandu iyo ŵakamujulira Yevgeniy. Mulandu wakwamba uwo ukukhwaskaso ŵabali ŵanyake 9 uchali kulutilira mu msumba wa Voronezh uko Yevgeniy wakukhala.

Pakuzgorapo pa ivyo vikumovwira kuti wazizipizgenge Yevgeniy wakayowoya kuti: “Nkhusambira kugomezga chomene Yehova. Patekha tingaghamazga makora yayi masuzgo kuluska umo wangaghamazgira Yehova. Nthowa zake ni ziwemi chomene kweniso zakovwira.”

Nga ni Yevgeniy, nase mphanyi talutilira kuyowoya kwa Yehova kuti “Ndimwe chiphokwero chane,” uku tikugomezga kuti nyengo zose watovwirenge panyengo yakwenelera.—Salimo 142:5.

1. December 15, 2022

   Yevgeniy ŵakamujulira mulandu wachiŵiri kwambura iyo kumanya

2. September 22, 2023

   Yevgeniy wakamanya kuti ŵamujulira mulandu unyake wachiŵiri. Wakafumbika mafumbo nakusangika na mulandu chifukwa cha “kunozgekera na kuchitiska maungano gha mpingo”

3. April 22, 2024

   Ŵakamba kutegherezga mulandu wake

4. May 29, 2024

   Ŵakamusanga na mulandu ndipo wakapika chilango chakuti waleke kusangikaso na mulandu kwa vyaka vitatu