Pa September 6, 2021, kukawa vula yikuru chomene iyo yikapangiska kuti maji ghatutuke mu vigaŵa vinandi vya ku Mexico. Zuŵa lakulondezgapo kukachitika chindindindi cha nkhongono chomene kumwera kwa Guerrero ndipo chindindindi ichi chikakhwaska vigaŵa vinyake vinandi ivyo vili ku chigaŵa cha pakati ku Mexico.

• Kututuka kwa Maji

  • Ŵabali 61 ŵakachimbira mu nyumba zawo

  • Nyumba za Ufumu ziŵiri zikanangika pachoko waka

  • Nyumba 68 zikanangika pachoko waka

• Chindindindi

  • Ŵabali 71 ŵakasamuka mu nyumba zawo

  • Ŵabali 12 ŵakapwetekeka

  • Nyumba za Ufumu 42 zikanangika pachoko waka

  • Nyumba 220 zikanangika pachoko waka

  • Nyumba 76 zikanangika chomene

  • Nyumba 7 zikasakazikirathu

• Kututuka kwa maji

  • Ŵabali na ŵadumbu awo ŵali kufumamo mu nyumba zawo ŵakukhala na ŵachibali ŵawo

  • Mipingo ku vigaŵa ivi yikupeleka chakurya ku awo ŵakhwaskika na soka ili

• Chindindindi

  • Ŵabali na ŵadumbu awo ŵali kufumamo mu nyumba zawo ŵakukhala mu nyumba za ŵachibali ŵawo panji Ŵakaboni ŵanyawo

  • Ŵabali awo ŵakapwetekeka ŵakapokera wovwiri wa ku chipatala nyengo yeneyiyo ndipo pasono ŵaliko makora

Ŵabali na ŵadumbu ŵithu ŵanandi ŵakaŵa kuti mbakunozgeka kale ndipo mwaluŵiro ŵakalondezga ulongozgi uwo ŵakapika na ŵalara ŵa boma. Ŵalaŵiliri ŵa dera kweniso Komiti Yakovwira Para Kwachitika Soka, ŵakovwira ŵabali na ŵadumbu, uku ŵakulondezga ulongozgi wose wa umo ŵangajivikililira ku muliri wa COVID-19.

Ŵabali na ŵadumbu ŵithu ŵakulutilira kugomezga chomene Yehova na gulu lake mu nyengo zakusuzga izi. Tikugomezga kuti Yehova walutilirenge kuŵavikilira na kuŵapwelelera.—Yesaya 26:3.