Kwambira pa April 28, 2024, kukamba kulokwa vula yankhongono chomene chigaŵa cha ku Rio Grande do Sul kumwera kwa Brazil. Vula yankhongono iyi yikapangiska kuti mu malo ghanandi maji ghatutuke. Vikaŵa vyakusuzga kuti ŵanthu ŵanandi ŵafumemo mu malo agha chifukwa misewu na mabuliji vili kunangika. Vikusachizgika kuti ŵanthu ŵakujumpha 2.1 miliyoni ŵali kukhwaskika na soka ili. Ndipo pasono ŵanthu ŵakujumpha 125 ŵali kusoŵa ndipo ŵanyake 147 ŵali kufwa.

• Chachitima ntchakuti mubali withu yumoza na mudumbu yumoza awo ŵakaŵa ŵakutorana ŵachilara ŵali kufwa

• Ŵabali na ŵadumbu 1,544 ŵali kusamuka mu vikaya vyawo

• Nyumba ziŵiri zili kunangikirathu

• Nyumba 155 zili kunangika chomene

• Nyumba 483 zili kunangika pachoko waka

• Nyumba za Ufumu zitatu zili kunangika chomene

• Nyumba za Ufumu 10 zili kunangika pachoko waka

• Komiti Yakovwira Para Kwachitika Soka yili kwimikika kuti yilongozge pa mulimo wakupeleka wovwiri ku ŵabali na ŵadumbu. Ŵanthu awo ŵali mu komiti iyi ŵakaluta ku malo uko kuli kuchitika soka na chilato chakuti ŵakawovwire pakupeleka vyakukhumbikwa ku ŵabali na ŵadumbu kweniso kuŵakhozga mwauzimu

• Ŵalaŵiliri ŵadera kweniso ŵalara ŵakupeleka wovwiri wauzimu na kovwira awo ŵakhwaskika na soka ili

• Ŵakaboni ŵa Yehova awo ŵali mu malo agho ghandakhwaskike na soka ili ŵakovwira ŵabali na ŵadumbu mwakuŵapokelera mu nyumba zawo kuti ŵasange pakukhala pa nyengo yakusuzga iyi

Apo kututuka kwa maji kweniso kunangika kwa vinthu kukulutilira, tikulomba kuti Yehova walutilire kuŵa ‘linga mu nyengo ya suzgo’ ku ŵabali na ŵadumbu ŵa ku Brazil.—Salimo 37:39.