Longorani Chitemwa
Suzgo
Sankho likumara luŵiro yayi mumtima. Nga umo vikuŵira kuti pakutora nyengo kweniso pakukhumbikwa kuyezgayezga kuti munthu wachire ku matenda agho ghakwambika na vayirasi, mwakuyana waka, pakutora nyengo kweniso pakukhumbikwa kuyezgayezga kuti sankho limalirethu mu mtima. Kasi mungachita wuli kuti mumazge sankho?
Fundo ya mu Baibolo
“Vwarani chitemwa, pakuti chitemwa chikukakilira ŵanthu pamoza.”—ŴAKOLOSE 3:14.
Kasi fundo iyi yikung’anamurachi? Kuchitira viwemi ŵanji kukovwira kuti ŵanthu ŵaŵe ŵakukolerana. Para mukuŵikapo mtima kulongora chitemwa ŵanyinu, vimovwiraninge kuti muchepeske sankho. Usange mukuŵatemwa chomene ŵanyinu, muŵatinkhenge yayi.
Ivyo Mungachita
Ghanaghanirani umo mungalongolera chitemwa ku ŵanthu ŵa mtundu uwo mukuwuwona kuti ngwapasi. Mungalongora kuti mukuŵatemwa mwakuŵachitira vinthu viwemi nanga vingaŵa vichokovichoko. Yezgani kuchita chimoza panji vinandi mwa vinthu vyakulondezgapo ivi:
Para mungalongora chitemwa nanga mungaŵa mu tunthu tuchokotuchoko, vimovwiraninge kuti mumazge sankho
Longorani kuti mukuŵaghanaghanira mwakukorako chijaro kuti chileke kujalika kuti ŵajumphe makora, panji mungaŵapa mpando winu mu basi kuti ŵakhalepo.
Yezgani kuyowoya nawo pachoko waka nanga ni para mukuyowoya makora yayi chiyowoyero chawo.
Zikirani para ŵakuchita vinthu ivyo mukuvipulikiska yayi.
Ŵani na chitima para ŵakumuphalirani vya masuzgo ghawo.
Panji Mungatemwa Kuŵerengaso Nkhani Izi
KOVWIRA ŴANTHU
Baibolo Lingawovwira Kumazga Sankho
Ŵakaboni ŵa Yehova ŵakuwona kuti ŵanthu wose mbakuyana waka mu maso gha Chiuta.
WUKANI!
Ulongozgi Uwo Ungamovwirani Kuti Mukhalenge Mwamtende na Ŵanyinu
Kasi ni mikhaliro wuli iyo yingatovwira kuti tilutilire kuŵa pa mtende na ŵanji?
