KU ŴAKUTORANA
4: Kugowokerana
IVYO MUKWENERA KUMANYA
Kugowokera chikung’anamura kusulako waka ivyo munyithu watibudira kweniso kuleka kusunga vyakusingo. Kugowokera nkhulekelera viheni yayi panji kuzerezga waka nga kuti palije chiheni icho chachitika.
FUNDO YA MU BAIBOLO: “Lutilirani kuzizipizgirana na kugowokerana na mtima wose usange munthu wali na chifukwa chakudandawulira na munyake.”—Ŵakolose 3:13.
Aaron wakati: “Para ukumutemwa nadi munyako ukulaŵiska pa ivyo wakubudiska yayi kweni viwemi ivyo wakuyezgayezga kuchita makora.”
CHIFUKWA WULI NTCHAKUZIRWA?
Para munthu wakusunga chakusingo wakujipweteka yekha kweniso wakunanga nthengwa yake.
Julia wakati: “Nyengo yinyake mfumu wane wakanibudira vikuru chomene. Nangauli wakaniphepiska kweni chikaŵa chakusuzga kumugowokera. Paumaliro nkhamugowokera kweni nkhadandawura kuti nkhachedwa kumugowokera chifukwa vikatimbanizganga ubwezi withu.”
IVYO MUNGACHITA
JISANDANI
Para nyengo yinyake mwakhuŵara na ivyo munyinu wamunthengwa wachita panji kuyowoya, jifumbani kuti:
-
‘Kasi nkhukhuŵara luŵiro?’
-
‘Kasi wanibudira vikuru mwakuti nkhukhumba kuti waniphepiske, panji nkhwenera kusulako waka?’
DUMBISKANANI NA MUNYINU WAMUNTHENGWA
-
Kasi pakutora nyengo yitali wuli kuti tigowokerane?
-
Kasi tingachita wuli kuti tigowokeranenge mwaluŵiro?
IVYO VINGAMOVWIRANI
-
Para munyinu wamukhuŵazgani, lekani kumughanaghanira viheni.
-
Mugowokerani munyinu, kumbukani kuti “tose tikukhuŵara nyengo zinandi.”—Yakobe 3:2.
Kimberly wakati: “Chikuŵa chipusu kugowoka para mose mwabudiska, kweni chikuŵa chakusuzga chomene para wabuda njumoza. Ukwenera kuŵa wakujiyuyura nadi kuti umugowokere munyako na kuzomera kuti wakuphepiske.”
FUNDO YA MU BAIBOLO: ‘Phemanani luŵiro.’—Mateyu 5:25.
Para munthu wakusunga chakusingo wakujipweteka yekha kweniso wakunanga nthengwa yake
