WUKANI! Na. 2 2018 | Vinthu 12 Ivyo Vingawovwira Banja Kuti Liŵe Lakukondwa
Vinthu 12 Ivyo Vingawovwira Banja Kuti Liŵe Lakukondwa
Tikupulika vinthu vinandi ivyo vikupangiska nthengwa kuti yimare. Kweni nthengwa zinyake vinthu vikwenda makora, kasi chikuŵawovwira ntchivichi?
Kupatana mazuŵa ghano kwazara chomene. Mwachiyelezgero, mu vyaka vyapakati pa 1990 na 2015 ku United States chiŵelengero cha ŵanthu ŵa vyaka vyakujumpha 50 awo ŵakupatana chasazgikira kaŵiri kuluska kumasinda. Ndipo ku ŵanthu ŵa vyaka vyakujumpha 65 chikasazgikira katatu.
Mazuŵa ghano ŵapapi ŵanyake ŵakumanya makora yayi chakuchita. Ŵakaswiri ŵanyake ŵakuti ŵapapi nyengo zose ŵakwenera kuŵalumba ŵana ŵawo, apo ŵakaswiri ŵanyake ŵakuti ŵapapi ŵakwenera kulanga ŵana ŵawo mwankhongono kuti ŵakure makora.
Ŵachinyamata ŵakukura kwambura kumanya ntchito panji maluso agho ghangaŵawovwira.
Kweni unenesko ngwakuti . . .
Nthengwa yingaŵa yakukondweska kweniso yakukhora.
Ŵapapi ŵangasambira kulanga ŵana ŵawo mwachitemwa.
Ŵachinyamata ŵangasambira ntchito na maluso agho ghangaŵawovwira.
Kasi vingachitika wuli? Mu magazini iyi ya Wukani! muli vinthu 12 ivyo vingawovwira banja kuti liŵe lakukondwa.
1: Ŵikanipo Mtima
Vinthu vitatu ivyo vingawovwira ŵakutorana kuti nthengwa yawo yileke kumara.
2: Kuchitira Lumoza Vinthu
Kasi munyinu wamunthengwa mukumuwona nga ni munthu uyo mukugona waka nayo chipinda chimoza?
3: Kuchindikana
Manyani mazgu agho mungayowoya kwa munyinu wamunthengwa kuti wawone kuti mukumuchindika.
4: Kugowokerana
Kasi ntchivichi chingawovwira kusulako maubudi gha munyinu wamunthengwa?
5: Kuyowoyeskana
Vinthu vitatu ivyo vingamovwirani kuti muŵe paubwezi na ŵana ŵinu.
6: Kulanga
Kasi chilango chingapangiska mwana kujiwona kuti ngwambura kuzirwa?
7: Nkharo
Ni mikhaliro wuli iyo mungasambizga ŵana ŵinu?
8: chiyelezgero
Para mukukhumba kuti ŵana ŵinu ŵamupulikiraninge, muchitenge ivyo mukuyowoya.
9: Umo Muliri
Kasi ŵachinyamata ŵangachita wuli kuti ŵalondezgenge ivyo ŵakugomezga?
10: Kugomezgeka
Para ŵachinyamata mbakugomezgeka ku ŵapapi wawo vikuzakaŵawovwira chomene para ŵakura.
11: Kulimbikira Ntchito
Para mwamba kulimbikira kugwira ntchito muchali ŵachinyamata vingamovwirani pa chilichose icho mukuchita pa umoyo winu.
12: Kuŵa na Vilato
Para wamunthu ukufiska vilato vyako ukuŵa wakukondwa, ukuŵa paubwezi na ŵanyako kweniso ukujikayikira yayi.
Vinyake Ivyo Vingawovwira Banja
Baibolo lili na ulongozgi uwo ungamovwirani kuti muŵe ŵakukondwa mu nthengwa panji mu banja linu.
