ICHI ntchimoza mwa vyaru vichoko chomene pa charu chapasi. Chili ku mapiri gha Alps pakati pa Switzerland na Austria. Mu charu ichi muli kukhalamo ŵanthu ŵa mitundu yakupambanapambana, Ŵaseliti, Ŵaraeti, Ŵaroma, na Ŵaalemanni. Kweni lero ŵanthu ŵanandi chomene awo ŵakukhala mu Liechtenstein mbakufuma mu mtundu wa Alemanni, uwo ukamba kukhala mu charu ichi vyaka pafupifupi 1,500 ivyo vyajumpha.

Ku Liechtenstein, Chijeremani ndicho chikuyowoyeka palipose, nangauli chikuyowoyeka mwakupambana mu muzi na muzi. Ŵanthu ŵa ku charu ichi ŵakutemwa chakurya chakuchemeka Tüarka-Rebel, na Käsknöpfle.

Mu charu ichi muli mapiri agho ghali na chiwuvi tuu, madambo ghakubiliŵira, minda ya mpheska, na vyakumera vinyake vinandi. Muli makuni gha maluŵa mitundu pafupifupi 50. Muliso myuziyamu (nyumba yakusungiramo vinthu vyakale), maluŵaza gha maseŵera, na malo ghakupangirako vinyo. Ntheura, ŵalendo ŵakuluta kukawona charu ichi, mu chihanya na nyengo yakuzizima wuwo.

 Ŵakaboni ŵa Yehova ŵakupharazga mu charu ichi kwamba m’ma 1920. Pasono mu charu ichi muli Ŵakaboni ŵakukwana 90 ndipo ŵakusambizga ŵanthu ŵa mu charu ichi na ŵalendo uthenga wa mu Baibolo.