NKHANI YA PA CHIKOPI | BAIBOLO LAPONA KU VINANDI
Chifukwa Wuli Baibolo Lapona ku Vinthu Vyose Ivi?
Pakuti Baibolo lapona ku vinthu vinandi, namwe mungaŵa nalo kuti muŵerengenge. Ndipo para mungasanga Baibolo ilo lili kung’anamulika makora, mungakhorwa kuti mukuŵerenga uthenga waunenesko. * Ipo chifukwa wuli Baibolo lapona kuvunda, ku ŵakususka, na ku awo ŵakakhumbanga kusintha uthenga wake? Chifukwa wuli buku ili ndapadera?
“Sono nakhorwa kuti Baibolo ntchawanangwa icho Chiuta wali kunipa”
Ŵanthu ŵanandi awo ŵakusambira Baibolo nawo ŵakufika pa fundo iyo mpositole Paulosi wakamanya. Iyo wakalemba kuti: “Malemba ghose ngakupelekeka na Chiuta.” (2 Timote 3:16) Ŵakugomezga kuti Baibolo lili kupona chifukwa chakuti ni Mazgu gha Chiuta ndipo mweneko walivikilira m’paka sono. Faizal, uyo tamuzunura mu nkhani yakwambilira, wakamba kusambira Baibolo kuti wajiwonere yekha usange ivyo wakaphalirika vikaŵa nadi vyaunenesko. Ivyo wakaŵerenga mu Baibolo vikamuzizika chomene. Wakasanga kuti visambizgo vinandi ivyo matchalitchi ghakusambizga, mu Baibolo mulije. Kweniso wakakondwa wakati wamanya ivyo Chiuta wakukhumba kuchitira ŵanthu pa charu.
Iyo wakati: “Sono nakhorwa kuti Baibolo ilo nili nalo, ntchawanangwa icho Chiuta wali kunipa. Kasi Chiuta uyo wakalenga vyose, wangatondeka kutipa Baibolo na kulivikilira? Para ningati wangatondeka, ndikuti nkhuyowoya kuti Chiuta walije nkhongono. Ndine njani ine kuti niyowoye nthena?”—Yesaya 40:8.
^ ndime 3 Wonani nkhani yakuti “Kodi Mungadziwe Bwanji Baibulo Lomasuliridwa Bwino?” mu Gongwe la Mulinda Lachicheŵa la Meyi 1, 2008.
Panji Mungatemwa Kuŵerengaso Nkhani Izi
GONGWE LA MULINDA
Chifukwa Wuli Ntchakukhumbikwa Kulipulikiska Baibolo?
Ŵanthu ŵanandi ŵakulichindika buku lakupatulika ili, kweni ŵakumanya yayi umo lingaŵawovwilira.
VISAMBIZGO VYAKUZIRWA VYA MU BAIBOLO
Kasi Baibolo Likutiphalira Unenesko?
Usange Baibolo ndakufuma kwa Chiuta, likwenera kupambana na mabuku ghanyake ghose.
MAVIDIYO GHA NKHANI ZINYAKE
‘Makani Ghawemi ku Mtundu Uliwose na Fuko na Lulimi’
Ntchito ya kung’anamura yikukhumbikwa kuti ŵanthu ŵanandi ŵapulike uthenga wa mu Baibolo. Kasi yikuchitika wuli? Kasi pakuŵa masuzgo wuli?
