GONGWE LA MULINDA Na. 1 2021 | Chifukwa Wuli Tikwenera Kulomba Kwa Chiuta?
Kasi nyengo yinyake mukalombapo kwa Chiuta na kuwona kuti wakazgora yayi lurombo lwinu? Usange ni nthena, manyani kuti muli mwekha yayi. Ŵanthu ŵanandi ŵali kulombapo kwa Chiuta kuti waŵawovwire, kweni masuzgo ghawo ghakumara yayi. Mu magazini iyi, tiwonenge chifukwa icho tikugomezgera kuti Chiuta wakupulika malurombo ghithu, kweniso chifukwa icho wakulekera kuzgora malurombo ghanyake. Tiwonengeso umo mungalombera kuti Chiuta wazgorenge malurombo ghinu.
Ivyo Ŵanthu Ŵakuyowoya pa Nkhani ya Kulomba kwa Chiuta
Kasi lurombo ntchawanangwa nadi chakufuma kwa Chiuta, panji ntchigomezgo waka?
Kasi Chiuta Wakupulika Malurombo Ghithu?
Baibolo likutisimikizgira kuti Chiuta wakupulika para tikulomba munthowa yakwenelera.
Chifukwa Wuli Chiuta Wakuzgora Yayi Malurombo Ghanyake?
Baibolo likutiphalira mtundu wa malurombo agho Chiuta wakuzgora kweniso agho wakuleka kuzgora.
Kasi Mungalomba Wuli Kuti Chiuta Wapulikenge Malurombo Ghinu?
Lombani kwa chiuta kulikose uko mungaŵa, panyengo yiliyose, kwali mwakukwezga mazgu panji cha mu mtima. Yesu wakatovwira kumanya ivyo tingayowoya.
Kasi Lurombo Lungamovwirani Wuli?
Kasi lurombo lungamovwirani wuli kuti mulimbane na masuzgo?
Kasi Chiuta Wakupulika Malurombo Ghinu?
Baibolo likuti para mukulomba Chiuta wakupulika ndipo wakukhumba kumovwirani.
