Kasi mungachita wuli kuti musange chandulo na ivyo musambirenge mu buku ili?
Chakwamba wonani ivyo vili mu buku ili, kufuma apo wonelerani VIDIYO.
CHIGAŴA CHAKWAMBA
Ŵerengani ndime yiliyose, kweniso mafumbo ghose (A) na malemba (B) agho ghakudidimizga fundo zikuru. Ŵazgani mwakukwezga malemba ghose agho ghalembeka kuti “ŵazgani.”
CHIGAŴA CHAPAKATI
Mazgu ghakwamba (C) pa chigaŵa chakuti Manyani Vinandi ghakulongosora ivyo mudumbiskanenge. Kamutu kadoko (D) kakulongosora fundo zikuru. Ŵerengani malemba, zgorani mafumbo, na kuwonelera mavidiyo lumoza na uyo wakumusambizgani.
Kabokosi ka VIDIYO, kakumulongozgerani uko mungasanga vidiyo. Mavidiyo ghanyake ghakulongosora vinthu ivyo vikachitika nadi. Apo ghanyake ni madirama, ghakulongosora waka ivyo ise tingasambirako.
Wonani vithuzi na kuŵazga mazgu ghakulongosora vithuzi (E), ndipo ghanaghanirani umo mungazgolera chigaŵa cha Ivyo Ŵanyake Ŵakuyowoya (F).
CHIGAŴA CHAUMALIRO
Chigaŵa chakuti Mwakudumura kweniso Kuweleramo (G) chikulongosora ivyo mwasambira mu mutu wose. Lembani zuŵa ilo mwamalira kusambira. Pa chigaŵa chakuti Vyakuti Muchite (H) pali ivyo mungachita kweniso kuti mulutilire kuchita ivyo mwasambira. Pa chigaŵa chakuti Sangani Fundo Zakusazgikira (I) pali fundo zinyake izo mukwenera kuŵerenga kweniso mavidiyo ghakuti muwonelere.
Ivyo Vili mu Buku Ili
|
|
|
|
Kasi mungasanga wuli mavesi mu Baibolo?
Mu Baibolo muli mabuku ghachokoghachoko ghakukwana 66. Ndipo lili kugaŵika mu vigaŵa viŵiri: Malemba Ghachihebere na Chiaramu (“Tesitamenti Lakale”) na Malemba Ghachigiriki (“Tesitamenti Lasono”).
Malemba ghose mu buku ili, ghalembeka kuyana na zina la buku la mu Baibolo (A), kufuma apo chaputara (B), paumaliro vesi panji mavesi (C).
Mwachiyelezgero, Yohane 17:3, kung’anamura kuti buku la Yohane, chaputara 17, vesi 3.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
