SAMBIRO 49
Kasi Mungachita Wuli Kuti Mukondwenge mu Banja Linu?—Chigaŵa 1
Ŵanthu awo ŵatorana waka ŵakughanaghana kuti ŵalutilirenge kukondwa umoyo wawo wose. Ivi vingachitika nadi. Ŵakhristu awo ŵakhala mu nthengwa vyaka vinandi na kuŵikapo mtima kulondezga fundo za mu Baibolo, ŵakulutilira kuŵa ŵakukondwa.
1. Kasi Baibolo likuti ŵafumu ŵakwenera kuchita vichi?
Yehova wali kusankha mwanalume kuti waŵe mutu wa banja. (Ŵazgani Ŵaefeso 5:23.) Yehova wakukhumba kuti ŵafumu ŵasankhenge vinthu ivyo vingawovwira banja lawo. Baibolo likuphalira ŵafumu kuti: “Lutilirani kutemwa ŵawoli ŵinu.” (Ŵaefeso 5:25) Kasi fundo iyi yikung’anamurachi? Mfumu wachitemwa wakuchita vinthu mwalusungu na muwoli wake, kwali ŵali ku nyumba panji pa gulu. Wakumuvikilira kweniso kumupwelelera mwakuthupi ndipo wakuwoneseska kuti nyengo zose ngwakukondwa. (1 Timote 5:8) Kweni chakuzirwa chomene, wakumovwira kuti waŵe paubwezi wakukhora na Yehova. (Mateyu 4:4) Mwachiyelezgero, wangalomba na kuŵerenga Baibolo lumoza na muwoli wake. Mfumu wakulutilira kuŵa paubwezi wakukhora na Yehova para wakutemwa na kupwelelera muwoli wake.—Ŵazgani 1 Petrosi 3:7.
2. Kasi Baibolo likuti ŵawoli ŵakwenera kuchita vichi?
Baibolo likuti muwoli “wachindikenge chomene mfumu wake.” (Ŵaefeso 5:33) Kasi wangachita wuli? Wangaghanaghanira vinthu viwemi ivyo mfumu wake wakumuchitira, kweniso ivyo wakuchita kuti wapwelelere iyo na ŵana. Wangalongoraso kuti wakumuchindika para wakukhozgera ivyo mfumu wake wasankha, kweniso kuyowoya nayo mwalusungu nanga wangaŵa kuti wakusopa Yehova yayi.
3. Kasi ŵakutorana ŵangakhozga wuli nthengwa yawo?
Pakuyowoya za ŵakutorana, Baibolo likuti: “Wose ŵaŵiri ŵaŵenge thupi limoza.” (Mateyu 19:5) Ichi chikung’anamura kuti ŵakwenera yayi kuzomerezga chinthu chilichose kuŵalekaniska. Ŵakwenera kupatura nyengo yakuchezgera, kulongorana chitemwa, ndipo ŵakwenera kufwatukirana na kuphalirana vyakusingo kweniso umo ŵakujipulikira. Padera pa Yehova, munyawo wa mu nthengwa ndiyo wakwenera kuŵa wakuzirwa chomene kuluska chilichose pa umoyo wawo. Ŵakwenera kuwoneseska kuti ŵaleke kutemwana chomene na munthu uyo ni mfumu panji muwoli wawo yayi.
MANYANI VINANDI
Wonani umo fundo za mu Baibolo zingakhozgera nthengwa yinu.
4. Ŵafumu, mutemwenge na kupwelelera ŵawoli ŵinu
Baibolo likuti ŵafumu “ŵatemwenge ŵawoli ŵawo nga ni mathupi ghawo.” (Ŵaefeso 5:28, 29) Kasi fundo iyi yikung’anamurachi? Wonelerani VIDIYO, kufuma apo dumbiskanani fumbo ili.
-
Kasi ni nthowa wuli zinyake izo mfumu wangalongolera kuti wakutemwa na kupwelelera muwoli wake?
Ŵazgani Ŵakolose 3:12, kufuma apo dumbiskanani fumbo ili:
-
Kasi mfumu wangalongora wuli mikhaliro iyi mu nthengwa yake?
5. Ŵawoli, mutemwenge na kuchindika ŵafumu ŵinu
Baibolo likuti ŵawoli ŵakwenera kuchindika ŵafumu ŵawo kwali ŵakuteŵetera Yehova panji yayi. Ŵazgani 1 Petrosi 3:1, 2, kufuma apo dumbiskanani mafumbo agha:
-
Para mfumu winu ni Kaboni wa Yehova yayi, mukwenera kuti mukukhumba chomene kuti nayo wambe kuteŵetera Yehova. Kasi mukuwona kuti mungamovwira wuli? Kasi mukughanaghana kuti chiwemi chingaŵa ntchi, kumupharazgira waka nyengo zose panji kumulongora nkharo yiwemi, kumuchindika na kuchita nayo vinthu mwalusungu? Chifukwa wuli?
Mfumu na muwoli ŵangasankhira lumoza vyakuchita. Kweni nyengo zinyake muwoli wangakolerana yayi na ivyo mfumu wake wasankha. Para vyaŵa nthena, wakwenera kuyowoya maghanoghano ghake mwantchindi, kweniso wakwenera kumanya kuti Yehova wali kupeleka udindo kwa mwanalume wakusankha vyakuchita ivyo vingawovwira banja lake. Ntheura muwoli wakwenera kuchita chilichose icho wangakwaniska kuti wakhozgere ivyo mfumu wake wasankha. Para muwoli wakuchita nthena wakovwira kuti banja lose liŵe lakukondwa. Ŵazgani 1 Petrosi 3:3-5, kufuma apo dumbiskanani fumbo ili:
-
Kasi Yehova wakujipulika wuli para muwoli wakuchindika mfumu wake?
6. Mungatonda masuzgo mu nthengwa yinu
Palije nthengwa iyo yikuleka kusangana masuzgo. Ntheura, mfumu na muwoli ŵakwenera kuchitira vinthu lumoza kuti ŵamazge masuzgo. Wonelerani VIDIYO, kufuma apo dumbiskanani mafumbo agha.
-
Kuyana na ivyo mwawona mu vidiyo, kasi ni vinthu wuli ivyo vyalongoranga kuti mfumu na muwoli ŵakolerananga yayi?
-
Kasi ŵanguchita vichi kuti ŵakhozge nthengwa yawo?
Ŵazgani 1 Ŵakorinte 10:24 na Ŵakolose 3:13. Para mwaŵazga lemba lililose, dumbiskanani fumbo ili:
-
Kasi ulongozgi uwu ungakhozga wuli nthengwa?
Baibolo likuti tikwenera kuchindikana. Kuchindika kukung’anamura kuchita vinthu na ŵanyithu mwalusungu kweniso mwakuŵaghanaghanira. Ŵazgani Ŵaroma 12:10, kufuma apo dumbiskanani mafumbo agha:
-
Kasi mfumu panji muwoli wakwenera kulindilira kuti munyake ndiyo wambenge kumupa ntchindi? Chifukwa wuli?
IVYO ŴANYAKE ŴAKUYOWOYA: “Ine na mfumu wane sono tikutemwana nga umo vikaŵira pakwamba yayi.”
-
Kasi mungaŵalongosolera wuli kuti Baibolo lingaŵawovwira?
MWAKUDUMURA
Mfumu na muwoli ŵangaŵa ŵakukondwa para ŵakutemwana, kuchindikana, kweniso kulondezga fundo za mu Baibolo.
Kuweleramo
-
Kasi mfumu wangawovwira wuli kuti banja liŵe lakukondwa?
-
Kasi muwoli wangawovwira wuli kuti banja liŵe lakukondwa?
-
Usange muli pa nthengwa, kasi ni fundo wuli ya mu Baibolo iyo yingamovwirani kuti mukhozge nthengwa yinu?
SANGANI FUNDO ZAKUSAZGIKIRA
Wonani vinthu ivyo vingamovwirani kuti mukondwenge mu banja linu.
Wonelerani vidiyo iyo yikulongosora vitumbiko ivyo mungasanga para mukulondezga fundo za Chiuta mu nthengwa yinu.
Wonani ivyo Baibolo likung’anamura para likuti ŵawoli ŵachindikenge ŵafumu ŵawo pakuŵa mutu wa banja.
“Chifukwa Wuli Mwaŵanakazi Mukwenera Kujilambika ku Ŵafumu Ŵinu?” (Gongwe la Mulinda, Meyi 15, 2010)
Wonani umo fundo za mu Baibolo zingawovwilira ŵakutorana.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
