SAMBIRO 25
Kasi Khumbo la Chiuta ku Ŵanthu Ndakuti Wuli?
Baibolo likuti umoyo wa ŵanthu ‘ngufupi na wakuzura na masuzgo.’ (Yobu 14:1) Kasi Chiuta wakakhumbanga kuti tiŵe na umoyo wanthena? Usange zgoro ndakuti yayi, kasi Chiuta wakakhumbanga kuti umoyo withu uŵenge wuli? Kasi khumbo la Chiuta lizamufiskika? Wonani mazgoro ghakupembuzga agho Baibolo likupeleka.
1. Kasi Yehova wakukhumba kuti tikhalenge umoyo wuli?
Yehova wakukhumba kuti tiŵenge na umoyo uwemi chomene. Wakati walenga Adamu na Eva, wakaŵaŵika mu munda wakutowa chomene wakuchemeka Edeni. Kufuma apo “Chiuta wakaŵatumbika, ndipo Chiuta wakati kwa iwo: ‘Babanani, mwandane muzuzge charu chapasi na kuchithereska.’” (Genizesi 1:28) Yehova wakakhumbanga kuti ŵababe ŵana, ŵazgore charu kuŵa paradiso na kupwelelera vinyama. Yehova wakakhumbanga kuti ŵanthu ŵaŵenge na umoyo uwemi na kukhala kwamuyirayira.
Nangauli ivyo vikuchitika ndivyo Chiuta wakakhumbanga yayi, a kweni khumbo lake lindasinthe. (Yesaya 46:10, 11) Iyo wakukhumba kuti ŵanthu ŵakupulikira ŵazakakhale kwamuyirayira mu charu chambura masuzgo.—Ŵazgani Chivumbuzi 21:3, 4.
2. Kasi tingachita wuli kuti tikondwenge na umoyo sono?
Yehova wali kutilenga kuti tiŵenge na “njara yauzimu,” lekani tikukhumba kumumanya na kumusopa. (Ŵazgani Mateyu 5:3-6.) Iyo wakukhumba kuti tiŵenge paubwezi wakukhora na iyo, “kwenda mu nthowa zake zose, kumutemwa,” na kumuteŵetera ‘na mtima withu wose.’ (Dotoronome 10:12; Salimo 25:14) Para tikuchita ivi tiŵenge ŵakukondwa nangauli tikusangana na masuzgo. Para tikusopa Yehova tikuŵa na umoyo uwemi kweniso wakukhorweska.
MANYANI VINANDI
Wonani umo Yehova wakalongolera kuti wakutitemwa chomene pakulenga charu kweniso ivyo Mazgu ghake ghakusambizga vyakukhwaskana na khumbo lake.
3. Yehova wakukhumba kuti ŵanthu ŵaŵenge na umoyo uwemi chomene
Wonelerani VIDIYO, kufuma apo dumbiskanani mafumbo agha.
-
Chifukwa wuli Chiuta wakalenga charu chakutowa chomene?
Ŵazgani Mupharazgi 3:11, kufuma apo dumbiskanani fumbo ili:
-
Kasi ivi vikutisambizga vichi vya Yehova?
4. Khumbo la Yehova lindasinthe
Ŵazgani Salimo 37:11, 29 na Yesaya 55:11, kufuma apo dumbiskanani fumbo ili:
-
Kasi tikumanya wuli kuti khumbo la Yehova lindasinthe?
Nyumba iyo yanangika yinganozgekaso. Mwakuyana waka charu icho ŵanthu ŵachinanga, Chiuta wazamuchinozgaso kuti awo ŵakumutemwa ŵakhalengemo
5. Para tikusopa Yehova tikuŵa na umoyo uwemi
Para tamanya chifukwa icho tiliri na umoyo tiŵenge ŵakukondwa. Wonelerani VIDIYO, kufuma apo dumbiskanani fumbo ili.
-
Kasi Terumi wakasanga vitumbiko wuli wakati wamanya kuti umoyo uli na chilato?
Ŵazgani Mupharazgi 12:13, na kudumbiskana fumbo ili:
-
Pakuti Yehova watichitira vinthu vinandi chomene pa umoyo withu, kasi ise tingalongora wuli kuti tikumuwonga?
ŴANYAKE ŴANGAFUMBA KUTI: “Chifukwa wuli tili na umoyo?”
-
Kasi mungazgora wuli?
MWAKUDUMURA
Yehova wakukhumba kuti tizakakondwe na umoyo wamuyirayira wambura masuzgo pa charu chapasi. Para tikumusopa na mtima wose, tikuŵa na umoyo wa chandulo nanga ni sono nthena.
Kuweleramo
-
Kasi Yehova wakakhumbanga kuti Adamu na Eva ŵaŵe na umoyo wuli?
-
Kasi tikumanya wuli kuti khumbo la Chiuta lindasinthe?
-
Kasi mungachita wuli kuti muŵe na umoyo wa chandulo?
SANGANI FUNDO ZAKUSAZGIKIRA
Wonani ukaboni uwo ukulongora kuti munda wa Edeni ukaŵako nadi.
Wonani chifukwa icho tikugomezgera kuti charu chapasi chikhalilirenge muyirayira.
“Kasi Charu Chapasi Ndicho Chizamuparanyika?” (Nkhani ya pa Intaneti)
Wonani ivyo Baibolo likuyowoya pa nkhani ya umo tingaŵira na umoyo wa chandulo.
Wonani umo mwanalume munyake uyo wakawonanga kuti wali na chilichose, wakasangira icho wakasoŵerwanga pa umoyo wake.
a Mu sambiro lakulondezgapo, muzamusambira icho chikachitika kuti ŵanthu ŵambe kusangana na masuzgo.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
