Enya. Mu Baibolo muli fundo zinayi izo zingamovwirani:

1.   Pangani bajeti. ‘Maghanoghano gha munthu wachitatata ghakovwira kuti vinthu vyende makora, kweni wose awo ŵakuchimbilira pakuchita vinthu ŵakavukenge.’ (Zintharika 21:5) Kugura waka vinthu chifukwa chakuti vyakhira mtengo yayi. Pangani bajeti na kugura ivyo vili pa bajeti.

2.   Kukongora bweka yayi. ‘Uyo wakongora ni muzga wa uyo wamukongozga.’ (Zintharika 22:7) Usange muli na ngongoli ndipo muchedwenge kuwezga, panganani na mweneko umo muwezgerenge. Chitani ivyo mwayowoya. Baibolo likuti: ‘Luta, ukajiyuyure na kumuŵeya luŵiro mzengezgani wako. Ungazomerezganga yayi maso ghako kugona tulo, panji vikopi vyako kusiwa.’ (Zintharika 6:1-5) Para mwatondekaso kuwezga, mupemphani kuti wamupani nyengo.

3.   Wonani ndalama mwakwenelera. ‘Uyo wakudokera usambazi wakupusumphira chuma, walije kumanya kuti ukavu umuwirenge.’ (Zintharika 28:22) Sanji na mbunu ni viheni. Ivi vinganjizga ukavu na kumutimbazgani kusopa Chiuta.

4.   Khorwani na ivyo muli navyo. “Pakuŵa na vyakurya, vyakuvwara na nyumba, tikhorwenge na vinthu ivi.” (1 Timote 6:8) Munthu wakuŵa wakukondwa chifukwa cha ndalama yayi. Ŵanthu ŵanyake mbakukondwa chomene nangauli ŵalije ndalama zinandi. Ŵakutemwa chomene banja lawo, ŵabwezi ŵawo, na Chiuta.—Zintharika 15:17; 1 Petrosi 5:6, 7.