Ivyo Vili pa Ungano Uwu

Chinkhondi: Muzamuwona maukaboni agho ghakulongora kuti ivyo vili mu Mabuku gha Makani Ghawemi ghakuyowoya vya umoyo wa Yesu ni vyaunenesko nadi. Kweniso muzamuwona umo nkhani izi zingatovwilira mazuŵa ghano.

Chisulo: Kasi ntchimi zikayowoya vichi vyakukhwaskana na kubabika kweniso kukura kwa Yesu, ndipo kasi vikachitika nadi?

Sabata: Nkhani ya mu Baibolo ya mutu wakuti “Chifukwa Wuli Tikwenera Yayi Kopa Nkhani Ziheni?” yizamulongosora chifukwa icho ŵanthu ŵanandi ŵali kulekera kopa nkhani ziheni ndipo ŵakugomezga kuti vinthu vizamuŵa makora kunthazi nangauli pasono vyafika paheni chomene.

Vidiyo

Kubabika kwa Yesu ndiwo ukaŵa munthondwe wakwamba kuchitika pa umoyo wake. Ŵapapi ŵake ŵakachimbilira nayo ku Eguputo chifukwa themba likakhumbanga kumukoma. Pakati pajumpha nyengo, ŵasambizgi ŵakumanyikwa ŵakazizikika chomene na ivyo wakayowoyanga. Muzamuwonelera mavidiyo agha kweniso vigaŵa vinyake viŵiri pa Chinkhondi na pa Chisulo.

Wonelerani mavidiyo ghakulondezgapo kuti mumanye ivyo vili pa ungano wa chigaŵa wa chaka chino

Ntchivichi Chikuchitika pa Maungano Ghithu Ghakurughakuru?

Manyani ivyo mwamusambira ku ungano wa chigaŵa wa Ŵakaboni ŵa Yehova.

Ungano wa Chigaŵa wa Ŵakaboni ŵa Yehova wa 2024 wa Mutu Wakuti: ‘Pharazgani Makani Ghawemi!’

Wonani pulogiramu kuti mumanye ivyo tamusambira pa ungano wa chigaŵa wa chaka chino.

Ivyo Vili mu Vidiyo Yakuti: Uthenga Uwemi Wakuyowoya vya Yesu

Ŵanthu ŵanandi ŵakuwumanya makora munthondwe wakukhwaskana na kubabika kwa Yesu. Kweni kasi chikachitika ntchivichi pambere Yesu wandababike kweniso wakati wababika?