ISOMO 02
Baibuli Eha Okunihira
Abantu baingi omu nsi, baine ebizibu ebibaletera obujune, kwetuntura, hamu n’obusaasi. Haroho enyikara ei warabiremu ey’akuletiire kwehurra omu mulingo ogu? N’osobora kuba n’obonabona habwokuba orwaire rundi habw’okufeerwa omuntu ow’orukugonza. N’osobora kwekaguza, ‘Akasumi kalihika obwomeezi bube burungi?’ Omulingo Baibuli egarukamu ekikaguzo eki, nigugarramu amaani.
1. Kunihira ki Baibuli okwerukutuha?
Baibuli tegarukira ha kusoborra ensonga habwaki ensi ijwiremu ebizibu, baitu etuha n’amakuru amarungi ngu ebizibu binu by’akacu kake, kandi omu kasumi akatali ka hara nibiija kuhwaho. Baibuli eby’erukuraganiza nibisibora ‘kukuha okunihira ha mpero yaawe eya hanyuma.’ (Soma Yeremiya 29:11, 12.) Okunihira oku, nikusobora kutukonyera kugumira ebizibu byaitu kandi n’okutunga okusemererwa omu kasumi kanu. Kandi emirago egi etugumya ngu nitwija kutunga okusemererwa ebiro n’ebiro.
2. Kiki Baibuli eky’erukuraganiza h’akasumi ak’omu maiso?
Baibuli n’egamba ngu omu kasumi ak’omu maiso, tihalibaho “okufa; nobukwakuba okutera empamo, nobukwakuba okurra, nobukwakuba okusasa.” (Soma Okusuku’rwa 21:4.) Ebizibu ebiretera abantu kuhwamu okunihira kasumi kanu, nk’obunaku, obutalibwinganiza, oburwaire, hamu n’okufa nibiija kuba bitakyaroho. Baibuli n’eraganiza ngu abantu nibaija kwegondeza omu bwomeezi obutahwaho omu rugonjo orurungi omu nsi.
3. N’osobora ota kukigumya ngu Baibuli ebyerukuraganiza nibiija kuhikirra?
Abantu baingi nibanihira ngu nihaija kubaho ebintu ebirungi, baitu tibarukukigumya ngu ebintu ebi nibiija kuhikirra. Baitu Baibuli yo, eby’eraganiza nibiija kuhikirra. Nitusobora kweyongera kwesiga Baibuli ebyerukuturaganiza kurabira omu ‘kuserra omu Byahandiikirwe.’ (Engeso Ezabakwenda 17:11) Obw’orayega Baibuli noija kusobora kwecweramu obworaaba osemeriire kwikiriza eby’erukwegesa h’akasumi ak’omu maiso.
YEGA EBIRUKUKIRAHO
Wetegereze ebintu ebimu Baibuli ebyerukuraganiza omu kasumi ak’omu maiso. Rora omulingo okunihira kuruga omu Baibuli kurukukonyeramu abantu kasumi kanu.
4. Baibuli n’eturaganiza ngu nitusobora kutunga obwomeezi obutahwaho obutarumu kubonabona
Rora emirago kuruga omu Baibuli enyakwolekerwe hansi. Mirago ki ey’erukukirayo kukukwataho? Habwaki?
Soma ebyahandiikirwe ebiri ha rubaju orw’emirago egi, kandi otekerezeeho ebikaguzo binu:
-
Notekereza ebyahandiikirwe binu nibikuha okunihira? Notekereza nibisobora kuha abanyabuzaale hamu n’abanywani baawe okunihira?
Teeramu akasisani n’oikara omu nsi nambere
|
BUSAHO N’OMU . . . |
BULI OMU . . . |
|---|---|
|
|
|
|
|
|
|
|
|
|
5. Okunihira kuruga omu Baibuli nikusobora kuleetaho embaganiza omu bwomeezi bw’omuntu
Abantu baingi bahwoirwemu amaani, rundi baine ekiniga habw’ebizibu bingi ebibetoroire. Abamu barwana kulengaho kuhindura enyikara y’ensi. Rora omulingo omurago gwa Baibuli ogurukwoleka ngu ebintu nibiija kweyongera kusemera, gurukukonyeramu abantu kasumi kanu. Mutekeho VIDIYO, hanyuma mubazeeho ebikaguzo ebirukuhonderaho.
-
Kusigikirra ha vidiyo, butalibwinganiza bwa mulingo ki obwatuntwize Rafika?
-
N’obukiraaba ngu obutalibwinganiza obuyaroraga butahweho, Baibuli ekamukonyera eta?
Okunihira okw’omu kasumi ak’omu maiso Baibuli okw’etuha, kutukonyera kugumira ebizibu byaitu. Musome Enfumo 17:22 na Abarumi 12:12, hanyuma mubazeeho ebikaguzo binu:
-
Notekereza obutumwa obw’okunihira obuli omu Baibuli, nibusobora kuletaho embaganiza omu bwomeezi bwawe hati? Habwaki?
ABANTU ABAMU BAGAMBA: “Baibuli ebyerukuraganiza tibirukwija kuhikirra.”
-
Habwaki kikuru naiwe oyekorre okuseruliiriza okwawe?
OYEGERE KI?
Baibuli etuha okunihira kandi etukonyera kugumira ebizibu obu n’eturaganiza ngu obusumi obw’omu maiso nibwija kubamu okusemererwa kwingi.
Kweijukyamu
-
Habwaki abantu nibetaaga okunihira?
-
Kiki Baibuli eky’eyegesa h’akasumi ak’omu maiso?
-
Kuba n’okunihira habw’akasumi ak’omu maiso nikisobora kukukonyera kita hati?
SERULIIRIZA
Manya omulingo okunihira kusobora kukukonyera obworukuba oine ebizibu.
“Ninkaha Nambere Osobora Kwiha Okunihira?” (Awake!, Apuli 22, 2004)
Manya omulingo okunihira okurukukwata h’akasumi ak’omu maiso kusobora kukonyera abo abaine oburwaire obutarukukira.
Obworaaba norora vidiyo ey’ekizina kinu, teramu akasisani iwe n’eka yaawe nimwegondeza omu Rugonjo Orurungi orw’omu kasumi ak’omu maiso, Baibuli orw’eraganiize.
Rora omulingo obwomeezi bw’omusaija ayarwanirraga obugabe obw’ebisoro n’abantu, bw’ahindukire hanyuma y’okwegaho okunihira kuruga omu Baibuli okurukukwata h’akasumi ak’omu maiso.
“Tinkyayehurra ngu Nsemeriire Kuhindura Ensi” (Watchtower, eya Julaayi 1, 2013)
