Аллаһы нормалары буенча яшәп, аның белән дуслыкны үстерәсең икән, димәк, син якын киләчәктә суга чумдырылу турында да уйлыйсың. Син бу адымга әзер икәнеңне ничек белеп була? a

Бу мәкаләдә

•  Миңа никадәр күп белем алырга кирәк?

•  Миңа нәрсә эшләргә кирәк?

•  Яшьтәшләрең сөйли

 Суга чумдырылуга әзерләнү бу — ниндидер информацияне, мәктәптәге экзаменга әзерләнгән кебек, ятлау түгел. Сиңа «акылыңны кулланырга» кирәк (Римлыларга 12:1). Синең максатың — Изге Язмалардан алган бар белем бу хакыйкать икәненә инану. Мәсәлән:

•   Син Аллаһы чыннан да бар икәненә инанганмы? Аллаһы синең үзенә хезмәт итүеңә лаек дип саныйсыңмы?

   Изге Язмаларда әйтелә: «Иман итмичә Аллаһы хуплавын алып булмый, чөнки аңа якынлашучы һәркем аның барлыгына һәм аның үзен ихластан эзләүчеләргә әҗерләрен бирүенә ышанырга тиеш» (Еврейләргә 11:6).

   Үз-үзеңнән сора: «Ни өчен мин Аллаһыга ышанам?» (Еврейләргә 3:4) «Ни өчен ул хезмәт итүебезгә лаек?» (Ачылыш 4:11)

   Күбрәк ярдәм кирәк булса, «Барлыкка китерүме я эволюцияме? Ни өчен Аллаһыга ышанам? (1 өлеш)» дигән мәкаләне кара.

•   Изге Язмалар — бу Аллаһыдан иңдерелгән китап. Син моңа инандыңмы?

   Изге Язмаларда әйтелә: «Бар Язма Аллаһы тарафыннан рухландырылган һәм өйрәтү, фаш итү, төзәтү һәм тәкъвалык тәрбияләү өчен файдалы» (2 Тимутигә 3:16).

   Үз-үзеңнән сора: «Ни өчен мин Изге Язмаларда кеше фикерләре түгел, ә Аллаһыныкы икәненә инанам?» (Ишагыя 46:10; 1 Тисалуникәлеләргә 2:13).

   Күбрәк ярдәм кирәк булса, «Изге Язмалар миңа ничек ярдәм итә ала? 1 нче өлеш. Изге Язмалар битләре буенча сәяхәт» дигән мәкаләне кара.

•   Йәһвә, үз ихтыярын үтәр өчен, мәсихче җыелышлар аша эш итә икәненә син инандыңмы?

   Изге Язмаларда әйтелә: «Шуңа күрә аңа [Аллаһыга] җыелыш аша һәм Мәсих Гайсә аша буыннан-буынга мәңге дан булсын» (Эфеслеләргә 3:21).

   Үз-үзеңнән сора: «Мин җыелышларда Изге Язмалардан алган белемнәрем бу — кеше сүзе түгел, ә Йәһвәнеке дип саныйммы?» (Маттай 24:45) «Мин, әти-әнием булдыра алмаганда, җыелыш очрашуларына йөримме? (йөрергә рөхсәт ителгән булса)» (Еврейләргә 10:24, 25)

   Күбрәк ярдәм кирәк булса, «Патшалык Залында үткән очрашуларга нәрсәгә йөрергә?» дигән мәкаләне кара.

 Суга чумдырылыр өчен, идеаль булу таләп ителми. Әмма сиңа чыннан да явызлыктан ерак торганыңны һәм яхшылык эшләгәнеңне күрсәтергә кирәк (Зәбур 34:14). Мәсәлән:

•   Син Йәһвәнең нормалары буенча яшисеңме?

   Изге Язмаларда әйтелә: «Вөҗданыгыз саф булсын» (1 Петер 3:16).

   Үз-үзеңнән сора: «Мин начарны яхшыдан аерырга өйрәнгәнемне ничек күрсәтә алам?» (Еврейләргә 5:14) «Мин яшьтәшләремнең басымына каршы торган конкрет очракны искә төшерә аламмы? Минем дусларым мине яхшылыкка этәрәме?» (Гыйбрәтле сүзләр 13:20)

   Күбрәк ярдәм кирәк булса, «Үз вөҗданымны ничек өйрәтергә?» дигән мәкаләне кара.

•   Син Аллаһы каршында эшләгән гамәлләрең өчен җаваплы булганыңны таныйсыңмы?

   Изге Язмаларда әйтелә: «Шулай итеп, һәрберебез Аллаһыга үзе хакында хисап бирәчәк» (Римлыларга 14:12).

   Үз-үзеңнән сора: «Мин үз-үзем һәм башкалар белән намуслымы?»(Еврейләргә 13:18) «Мин үз хаталарымны таныйммы яисә аларны яшерергә я гаепне башка кешегә тагаммы?» (Гыйбрәтле сүзләр 28:13)

   Күбрәк ярдәм кирәк булса, «Как относиться к своим ошибкам?» (рус) дигән мәкаләне кара.

•   Син Йәһвә белән дуслыгыңны үстерәсеңме?

   Изге Язмаларда әйтелә: «Аллаһыга якынлашыгыз, ул да сезгә якынлашыр» (Ягъкуб 4:8).

   Үз-үзеңнән сора: «Мин Йәһвәгә якынлашыр өчен нәрсә эшлим? Мин Изге Язмаларны еш укыйммы?» (Зәбур 1:1, 2) «Мин никадәр еш дога кылам?» (1 Тисалуникәлеләргә 5:17) «Минем догаларым конкретмы? Минем дусларым Йәһвә белән дуслашамы?» (Зәбур 15:1, 4)

   Күбрәк ярдәм кирәк булса, «Изге Язмалар миңа ничек ярдәм итә ала? 2 нче өлеш. Изге Язмаларны укуны кызыклы ит» һәм «Ни өчен миңа дога кылырга кирәк?» дигән мәкаләләрне кара.

 КИҢӘШ. Суга чумдырылуга әзерләнер өчен, «Сорауларыңа җаваплар» (2 нче том) китабының 37 нче бүлеген укы. 308 һәм 309 нче битләрдәге схемаларга игътибар ит.