LESWI BIBELE LISWI DJONDZISAKA: “Makungu ya lava tirhaka hi kutinyiketela mata humelela kambe lavangani magugu vata gamela ka wusiwana.” — Swivuriso 21:5.

LESWI VULAKA SWONA: U fanele u yendla mpulanu u tlhela uyi landzela. Unga tirhisi male na unga sungulanga hi kuhamba tikonta. Khumbuka swaku aswinge koteki kuxava hinkwaswu leswi uswi lavaka. Hi mhaka leyo tirhisa male ya wena hi wutlhari.

LESWI UNGASWI YENDLAKA:

• Tsala leswi u lavaka kuswi xava. Tsala swilo hinkwaswu leswi u lavaka kuswi xava, ivi uswi hambanisa hi kuya hi swigava swa swona. Kungahava swakudla, mpahla kumbe kuhakela yindlo ni swilo swin’wani. U gama u hamba tikonta ta male leyi ungatayi tirhisa ka xin’wani ni xin’wani. Loko u heleliwa hi male leyi awu lava kuxava swilo swokarhi swalisima hi yona, ungaha pambula ka leyi awu lava kuxava swilo leswi kalaka swingana xilaveko xaxikulu hi nkama wolowo. Hi xikombiso, loko male leyi awu lava kuxava magezi hi yona yi hela, ungaha pambula ka male leyi awu tayi tirhisa ka swilo swa kufana ni mafexta.

• Unga tipeti ka swikweneti na swinga bohi. Loko swikoteka unga ceneki male ya munhu. Kuhambana ni leswo, hlengeletela male loko u lava kuxava swilo swokarhi. Loko u tirhisa kartao la Banku la kuceneka male, hakela male hinkwayu leyi u devhaka loko wheti yi hela leswaku vangaku hakelisi multa. Loko u ni xikweneti xaxikulu, tiyendleli mpulanu ya kuhakela katsongokatsongo xiza xihela.

  Nkambisiso wun’wani wu vula swaku vanhu lava xavaka swilo hi kutirhisa kartao la Banku la kuceneka male, va tirhisa male hintamu. Hi mhaka leyo, loko u tirhisa kartao leli, li tirhisi hi wutlhari.

LESWI BIBELE LISWI DJONDZISAKA: “Lolo ali rimi hi nkama wa xirhami, hi mhaka leyo, lita hanya hi kukombela hi nkama wa kutshovela, loko linga na nchumu.” — Swivuriso 20:4.

LESWI VULAKA SWONA: Wulolo lingaha yendla munhu a va xisiwana. Hi mhaka leyo, vana mutirhi lwenene naswona zama kutirhisa male ya wena hi wutlhari leswaku uta va ni leswi uswi lavaka ankameni lowu taka.

LESWI UNGASWI YENDLAKA:

• Titoloveti kutirha. Loko u li mutirhi lwenene u tlhela u yendla mintirho hinkwayu leyi vaku rhumaka leswaku uyi yendla, mulungu wa wena a taku rhandza naswona awungata lahlekeliwa hi ntirho.

• Tshembeka. Unga yiveli mulungu wa wena. Loko u yiva, vanhu vangahaku tsumbula naswona a vangahata kuthola.

• Ungavi ni makwanga kumbe magolo. Loko minkama hinkwayu u lwela kukuma male yotala, ungaha ngheniwa hi mavabyi kumbe ungaha twani ni vanhu van’wani. Khumbuka swaku male ahi yona ya lisima kutlula swilo hinkwaswu awuton’wini.

UNGA TLANGI HI MALE NI NKAMA WA WENA KA SWILO SWA KUKALA SWINGA PHELI.

“Hikusa xidakwa ni munhu wa magolo vata va swisiwana, naswona kukhudzehela kutava yambexa switarapu.” — SWIVURISO 23:21.

UNGA KARHATEKI NGOPFU HI MALE.

‘Mingatshukeni mivilela hi swa vutomi la n’wina leswaku mitadja yini kumbe mitanwa yini, hambi kuli kuvilela hi swa mirhi wa n’wina leswaku mitayambala yini’. — MATEWU 6:25.

UNGAVI NI MATSHOHO KUMBE KUNAVELA SWA VAN’WANI.

“Munhu wa mavondzo a tiyimiseli kukuma male yotala, angaswi tivi leswaku awusiwana litamu kuma.” — SWIVURISO 28:22.