DJONDZO 53
Hungata Hi Swilo Leswi Tsakisaka Yehovha
Yehovha i ‘Xikwembu lexi tsakeke.’ (1 Timotiyu 1:11) A lava swaku hi tsaka, hi tlhela hi tikhorisa hi wutomi. Wa tsaka loko hi tinyika nkama wa ku humula. Ka djondzo leyi, hi ta vona swaku hi nga wu tirhisisa ku yini nkama wa hina wa ku humula hi ndlela ya yinene ni leyi tsakisaka Yehovha.
1. Hi fanele hi khumbuka yini loko hi langa leswi hi nga ta hungata hi swona?
I mpsini leswi u rhandzaka ku swi maha ka nkama wa wena wa ku humula? Van’wana va rhandza ku tshama kaya, va lerha mabuku, va yingisela mamuzika, va sixtira filmi kumbe va nghena a interneti. Van’wana va rhandza ku heta nkama ni vanghanu va vona, va famba va tlanga na vona, va hlambela kumbe ku bela bola. A ku na mhaka swaku hi rhandza ku hungata hi yini, kambe xa lisima, hi fanele hi tiyiseka swaku i swilo “leswi tsakisaka Hosi.” (Vaefeza 5:10) I swa lisima ku pimisa hi leswi hikusa minchumu ya yinyingi leyi vanhu va yi yentxaka swaku va hungata yi tale hi minchumu leyi Yehovha a yi nyenyaka, ya ku fana ni ku lwa, wutunga la swa masangu ni wudimoni. (Lerha Tipisalema 11:5.) I mpsini swi nga hi pfunaka ku langa kahle minchumu ya ku hungata hi yona?
Loko vanghanu va hina va rhandza Yehovha va nga hi pfuna swaku hi langa minchumu ya yinene ya ku hungata hi yona. Hi lani se hi nga djondza hi kona “lweyi a fambaka ni va ku tlhariha a ta tlhariha”. Kambe, loko hi tlanga ni vanhu lava va kalaka va nga hanyi hi minawu ya Xikwembu “a swi nge hi fambeli kahle.” — Swivuriso 13:20.
2. Hi mhaka muni swi li swa lisima ku pima nkama lowu hi wu hetaka na hi hungata?
Hambiloko hi hungata hi minchumu ya yinene, hi fanele hi tivonela swaku hi nga heti nkama wa wunyingi. Loko hi nga tivoneli a hi nga ta wu kuma nkama wa ku maha minchumu ya lisima hintamu. Bibele li hi byela swaku hi fanele hi wu “tirhisa kahle nkama [wa hina]”. — Lerha Vaefeza 5:15, 16.
DJONDZA SWIN’WANA
Vona swaku u nga swi kotisa ku yini ku langa kahle leswi u hungataka hi swona.
3. Fambela kule ni minchumu leyi kwatisaka Yehovha
Hi mhaka muni hi fanele hi langa kahle leswi hi hungataka hi swona? Sixtirani VHIDIYO, mi gama mi bula hi swivutiso leswi landzelaka.
-
Mintlangu ya vanhu va khale ya ku lwa, yi fanisa ku yini ni majogu man’wana ya swoswi?
-
Ka vhidiyo, i mpsini leswi Danny a nga swi djondza hi ku hungata?
Lerhani Varoma 12:9, mi gama mi bula hi xivutiso lexi landzelaka:
-
Ndzimana leyi, yi nga ku pfunisa ku yini swaku u langa kahle leswi u hungataka hi swona?
Hi yini minchumu yin’wana leyi Yehovha a yi nyenyaka? Lerhani Swivuriso 6:16, 17 na Vagalatiya 5:19-21. Loko se mi game ku lerha ndzimana ha yin’we bulani hi xivutiso lexi landzelaka:
-
Ka leswi ku nga khulumiwa hi swona ka tindzimana leti, i mpsini leswi nga toloveleka ka wuhungasi leli nga kona namuntlha?
Swivutiso leswi nga ku pfunaka ku langa kahle leswi u hungataka hi swona
Tivutisi leswi:
-
Ni lava ku hungata hi yini? Ka leswi ni lavaka ku hungata hi swona, ku ni minchumu leyi Yehovha a yi nyenyaka?
-
Ni ta heta nkama muni? Ku nga va swaku leswi ni pimisaka ku hungata hi swona, swi ta ni tekela nkama wa ku maha swilo swa lisima?
-
Ni ta hungata na mani? Leswi ni lavaka ku hungata hi swona a swi nga ta ni maha ni heta nkama wa wunyingi ni vanhu lava kalaka va nga mu rhandzi Yehovha?
Swa yampsa ku fambela kule ni nghozi. Hi mhaka leyo, loko hi kanakana swaku minchumu leyi hi lavaka ku hungata hi yona i yinene kumbe a hi yinene, swa yampsa hi vhela hi fambela kule na yona
4. Wu tirhisi hi wutlharhi nkama wa wena
Sixtirani VHIDIYO, mi gama mi bula hi xivutiso lexi landzelaka.
-
Makwerhu lweyi a nga kombisiwa ka vhidiyo a a nga hungati hi minchumu ya ku biha, kambe leswi a a wu tirhisisa xiswona nkama wa yena swi mu khumbise ku yini?
Lerhani Vafilipiya 1:10, mi gama mi bula hi xivutiso lexi landzelaka:
-
Ndzimana leyi yi nga hi pfunisa ku yini ku pima nkama lowu hi nga wu hetaka na hi hungata?
5. Langa kahle leswi u hungataka hi swona
I ntiyiso swaku minchumu yin’wana leyi vanhu va hungataka hi yona, a yi mu tsakisi Yehovha, kambe ku ni minchumu ya yinyingi ya yinene leyi hi nga hungataka hi yona. Lerhani Eklesiasta 8:15 na Vafilipiya 4:8, mi gama mi bula hi xivutiso lexi landzelaka:
-
Hi yini minchumu ya yinene leyi u rhandzaka ku hungata hi yona?
U nga swi kota ku hungata hi minchumu ya yinene
VAN’WANA VA LI: “A swi bihanga ku sixtira minchumu leyi kombisaka wugevenga, wutunga la swa masangu, kumbe wudimoni hikusa a ni swi mahi, no swi sixtira ntsena.”
-
A wu ta ku yini?
LESWI HI NGA SWI DJONDZA
Yehovha a lava swaku hi langa, hi tlhela hi hungata hi minchumu ya yinene.
Ku kambela leswi hi nga swi djondza
-
Hi yini minchumu leyi Vakreste va kalaka va nga fanelanga va hungata hi yona?
-
Hi mhaka muni hi fanele hi tivonela ka nkama lowu hi wu hetaka na hi hungata?
-
Hi mhaka muni u lava ku hungata hi minchumu leyi yi tsakisaka Yehovha?
LOKO U LAVA KU TIVA SWIN’WANA
Vona swaku i mani lweyi a faneleke a langa leswi hi hungataka hi swona.
Vona swaku u nga swi kotisa ku yini ku langa kahle leswi u hungataka hi swona.
“Será que a sua recreação é benéfica?” (Murindzi wa 15 ka Outubro wa 2011 hi Xiputukezi)
Ka xiperiyensiya lexi nge: “Ndzi Hlule Moya Wa Xihlawuhlawu Lowu A Ndzi Ri Na Wona,” vona swaku hi mhaka muni wanuna mun’wana a txintxe leswi a a hungata hi swona.
“Bibele Yi Hundzula Vutomi Bya Vanhu” (Murindzi wa 1 ka Fevereiro wa 2010 hi Xitsonga)
Vona swaku mamana mun’wana a xi yentxise ku yini xiboho xa xinene hi mafilmi lawa ma vulavulaka hi wudimoni.
