Tipisalema 83:1-18
Lisimu. Pisalema ya Azafi.+
83 U nga miyeli, Xikwembu xa mina;+U nga miyeli kumbe u khondla mavoko, Xikwembu xa mina.
2 Txuvuka, valala va wena va sungule mpfilumpfilu;+Lava ku nyenyaka va tibyela.*
3 Va yendla maplanu* ya ku kanganyisa vanhu va wena;Va rhiya vanhu va wena lava u va rhandzaka.
4 Va li: “A hi fambeni hi ya va helisa hinkwavu,+Swaku vito la Israyele li nga ha tshuki li khumbukiwa.”
5 Va yendla maplanu ya ku biha;Va yendle ntwananu swaku va lwa na wena+
6 Vaedomu, Vaismayeli, Vamowabu+ ni Vaagriti,+
7 Vajebali, Vaamoni,+ Vaamaleki,Vafilista+ ni lava tshamaka Tiru.+
8 Vaasiriya+ na vona va tipatse na vona;Va pfuna vana va Lota.+ (Sela)
9 Va yendli leswi u nga va yendla swona Vamidiyani,+Va yendli swa ku fana ni leswi u nga swi yendla Sisera na Yabini ka nkova wa Kixoni.+
10 Va helisiwile aEni-Dori;+Va ve xitrumi xa misava.
11 Yendla varhangeli va vona leswi u nga swi yendla ka Orebi na Zebe+Varhangeli va vona a va fane na Zeba na Zalmuna,+
12 Hikusa va te: “A hi tekeni tiko leli Xikwembu xi tshamaka ka lona.”
13 Xikwembu xa mina, va yendle va fana ni swinsinyani swa ku woma leswi biwaka hi moya,+Ku fana ni tihlanga leti biwaka hi moya.
14 Ku fana ni ndzilu lowu hisaka khwati,Ku fana ni ndzilu lowu hisaka tintshava,+
15 Va txatxe hi xidzedze xa wena+U va chavisa hi moya wa wena wa matimba.+
16 Va danise,Swaku va ta lavetela vito la wena, wena Yehovha.
17 A va danisiwe, va tshama na va chava;A va xixiwe va helisiwa;
18 Vanhu a va swi tive swaku wena lweyi vito la wena ku nga Yehovha,+Hi wena ntsena Lweyi A Nga Tlakuka amisaveni hinkwayu.+
