Swivuriso 4:1-27
4 Vana va mina, yingisani papayi wa n’wina loko a mi laya;+Mu yingiseni loko a mi laya swaku mi ta va ni ku twisisa,
2 Hikusa mina ni ta mi djondzisa hi ndlela yayinene;Mi nga swi tshiki leswi ni nga mi djondzisa swona.*+
3 A ni mu yingisa papayi+Funtshi mamani a a ni rhandza swinene.+
4 Papayi a ni djondzisile a ku: “Mbilu ya wena a yi hlayise marito ya mina.+
Yingisa minawu ya mina leswaku u tama u hanya.+
5 Kuma wutlharhi, kuma ku twisisa.+
U nga khohlwi funtshi u nga swi tshiki leswi ni ku byelaka swona.
6 U nga li tshiki, li ta ku vhikela.
Li rhandzi, li ta ku hlayisa.
7 Phela wutlharhi i la lisima hintamu,+ kutani kuma wutlharhi,Naswona ka hinkwaswu leswi u swi kumaka, kuma ku twisisa.+
8 Li hloniphi swinene kutani li ta ku kulisa.+
Li ta ku dzunisa hikusa wa li rhandza.+
9 Li ta veka harhi* ya ku saseka ka nhloko ya wena;Li ta ku sasekisa hi harhi ya ku saseka.”
10 N’wananga, yingisa u tlhela u yamukela marito ya mina,Kutani u ta hanya malembe ya manyingi.+
11 Ni ta ku yisa ka ndlela ya wutlharhi;+Ni ta ku fambisa ka tindlela ta ku lulama.+
12 Loko u famba, a xi kona lexi nga ta phariheta minenge ya wena;Loko u tsutsuma, a wu nga ta tiphariheta.
13 Namarhela ku layiwa; u nga ku tshiki ku famba.+
Ku hlayisi, hikusa i wutomi la wena.+
14 U nga landzeleli ndlela ya lava yendlaka swa ku biha,U nga fambi ka ndlela ya lava yendlaka swa ku biha.+
15 Hambana na yona, u nga fambi hi yona;+Yi tshiki, u yi hundza.+
16 Hikusa a va nge yetleli na va nga se yendla swa ku biha.
A wurhongo a li ti na va nga se wisa munhu.
17 Va hanya hi pawu la swa ku bihaVa tlhela va phuza vhinyu la tinyimpi.
18 Kambe ndlela ya lava ku lulama yi fana ni ku vonakala loku voningaka nimixoLoku ku yaka ku voninga anze li xa.+
19 Ndlela ya lava yendlaka swa ku biha yi fana ni munyama;A va swi tivi leswi va pharihetaka.
20 N’wananga, yingisa marito ya mina;Swi yingiseli kahle leswi ni swi vulaka.
21 U nga swi khohlwi;Swi hlayisi ka mbilu ya wena,+
22 Hikusa i wutomi ka lava swi kumaka+Swi yendla muzimbha wa vona hinkwawu* wu va kahle.
23 Hlayisa mbilu ya wena ku tlula swilo hinkwaswu leswi u swi hlayisaka,+Hikusa swihlovo swa wutomi swi le ka yona.
24 Susa marito ya mavunhwa ka wena,+U fambela kule ni mavulavulelo ya ku kanganyisa.
25 Matihlo ya wena ma fanele ma txuvuka phambheni,Ina, txuvuka phambheni.+
26 Basisela minenge ya wena ndlela,+Tindlela ta wena hinkwatu ti ta va tinene.
27 U nga djiki u ya ka tlhelo la xinene kumbe ka tlhelo la ximatsi.+
Nenge wa wena wu nga yi ka leswi swa ku biha.
Tinhlamunselu ta le hansi
^ Kumbe: “nawu wa mina.”
^ Kumbe: “korowa”.
^ Hi Xiheberu: “ka nyama ya vona hinkwayu”.
