Timotiya Wa Ku Sungula 2:1-15
2 Xa ku sungula, ni kombela leswaku swikombelo, swikhongelo, ku khongelela ni ku khensa swi yendleliwa vanhu hinkwavu,
2 ni tihosi ni hinkwavu lava nga ka switshamu swa le henhla,+ leswaku hi ta tama hi hanya hi ku rhula ni ku tshembeka swinene ka Xikwembu ni ku yendla hinkwaswu hi mbilu hinkwayu.+
3 Leswi i swinene naswona swa yamukeleka ka Muponisi wa hina ku nga Xikwembu,+
4 lexi lavaka swaku vanhu hinkwavu va ponisiwa+ va tlhela va wu tiva kahle ntiyiso.
5 Hikusa ku ni Xikwembu xin’we+ ni mutlhanganisi mun’we+ xikarhi ka Xikwembu ni vanhu,+ ku nga wanuna lweyi a vitaniwaka Kreste Yesu.+
6 A tinyikelile a va nkutsulu wa vanhu hinkwavu.+ Mhaka leyi ku ta vulavuliwa hi yona loko nkama wa kona wu ta fika.
7 Leswaku ku fakaziwa mhaka leyi,+ ni vekiwe leswaku ni va muchumayeli ni mupostolo,+ (ni vulavula ntiyiso a ni hembi) ni djondzisa vamatiko+ hi ta lipfumelo ni ntiyiso.
8 Ni navela leswaku loko vavanuna va khongela ka tindhawu hinkwatu, va tlakusa mavoko lama nga basa,+ na va nga kwatanga+ naswona va nga kanetani.+
9 Hi ku fana, vavasati va fanele va tisasekisa hi mpahla ya ku hlonipheka, va nga tisasekisi ku tlula mpimu kambe hi mimpimiso yayinene. Va nga tisasekisi hi mimoda ya ku luka misisi, hi woru ni maperola kumbe hi mpahla ya ku durha hintamu,+
10 kambe a va tisasekise hi ndlela leyi fanelaka vavasati lava vulaka swaku va tinyiketelile ka Xikwembu,+ ku nga hi mintirho yayinene.
11 Wansati a a djondzi na a miyelile hi ku tiveka hansi hi ku helela.+
12 A ni mu pfumeleli wansati leswaku a djondzisa kumbe ku manda wanuna, kambe a fanele a tshama na a miyelile.+
13 Hikusa Adamu hi yena a nga rhanga a vumbiwa ku gama ku landzela Evha.+
14 Naswona a hi Adamu a nga kanganyisiwa, kambe wansati hi yena a nga kanganyisiwa+ kutani a va mudjohi.
15 Kambe a ta tshama na a hlayisekile hi ku psala* vana,+ ntsena loko a* tshama lipfumelweni ni le lirhandzwini ni le ku kwetsimeni a tlhela a va ni mimpimiso yayinene.+
