Xana u yi hlaye hi vukheta mikandziyiso ya sweswinyana ya Xihondzo xo Rindza? A hi vone loko u ta swi kota ku hlamula swivutiso leswi landzelaka:

Ha yini vatswari lava nga valuveri va fanele va kambisisa ririmi leri va dyondzisaka vana va vona ntiyiso ha rona?

Vana va wena va ta dyondza ririmi ra le tikweni leri mi rhurheleke eka rona loko va ri exikolweni. Loko vana va wena va tiva tindzimi to tala swi ta va pfuna. Vatswari va fanele va kambisisa leswaku i vandlha rihi leri tirhisaka ririmi leri vana va vona va nga ta wu twisisa kahle ntiyiso loko va ri eka rona leswaku va va ni vuxaka lebyinene ni Xikwembu. Vatswari va rhangisa vuxaka bya vana va vona na Yehovha ku tlula nchumu wihi na wihi.—w17.05, matl. 9-11.

Loko Yesu a vutisa Petro a ku: “Xana u ndzi rhandza ku tlula leswi?”a kombetela eka yini loko a ku “leswi”? (Yoh. 21:15)

Swi tikomba onge Yesu a kombetela eka tihlampfi leti a a ti ri ekusuhi na vona kumbe ntirho wo phasa tinhlampfi. Loko Yesu a ha ku fa, Petro u tlhelele eka ntirho wakwe wo phasa tinhlampfi. Vakreste va fanele va kambisisa ndlela leyi va wu rhandzaka ha yona ntirho wa vona wo tihanyisa.—w17.05, matl. 22-23.

Ha yini Abrahama a kombele nsati wa yena ku a vula leswaku hi yena sesi wakwe? (Gen. 12:10-13)

Entiyisweni, Sara a ri xaka rakwe. Loko Sara a a vule leswaku Abrahama i nuna wakwe, kumbexana Abrahama a va ta va va n’wi dlayile kutani mbewu leyi Xikwembu xi n’wi tshembiseke leswaku a yi ta huma eka yena a yi nga ha ta va kona.—wp17.3, matl. 14-15.

I Endlelo rihi leri Elias Hutter a ri tirhiseke leswaku a pfuna lava lavaka ku dyondza Xiheveru?

A lava ku pfuna swichudeni swakwe leswaku swi twisisa timitsu ta ririmi ra Xiheveru eBibeleni no twisisa mahlanganisi ya xona. Kutani timitsu ta ririmi ra xiheveru a a ti tsala hi maletere lamakulu, kasi mahlanganisi a a ma tsala hi maletere lamatsongo. Matsalelo lawa ma tirhisiwe ni le ka Bibele New World Translation of the Holy Scriptures—With References.—wp17.4, matl. 11-12.

Hi swihi leswi Mukreste a faneleke a swi kambisisa hi ku va ni xibamu leswaku a tisirhelela hi xona eka vanhu van’wana?

Swin’wana swa kona hi leswaku Xikwembu xi languta vutomi byi ri bya nkoka. Yesu a nga khutazi valandzeri va yena leswaku va khoma mabanga leswaku va ti sirhelela. (Luka 22:36, 38) Hi fanele hi fula mabanga ya hina ma va swikomu. Vutomi i bya nkoka ku tlula rifuwo. Ha yi xixima ndlela leyi van’wana va titwaka ha yona, naswona hi lava ku va vekela xikombiso lexinene. (2 Kor. 4:2)—w17.07, matl. 31-32.

Ha yini Matewu na Luka va hlamusele vutomi bya Yesu loko a ha ri n’wana hi ndlela leyi hambaneke?

Rungula ra Matewu ri tamele timhaka ta Yosefa, to tanihi ndlela leyi a titweke ha yona hi mhaka ya ku tika ka Mariya ni xileriso lexi a nyikiweke xona xa leswaku a balekela e-Egipta ni ku tlhelela ekaya. Kasi rungula ra Luka ri tamele timhaka ta Mariya; hi xikombiso, loko a endzele Elizabeta ni ndlela leyi a titweke ha yona loko Yesu a sale etempeleni.—w17.08, tl. 32.

Bibele yi pone eka yini?

Ririmi ra le Bibeleni ra cinca hi ku famba ka nkarhi. Nhluvuko wa swa tipolitiki wu endle leswaku ririmi ri cinca. A ku ri ni lava a va nga pfumeli leswaku Bibele yi hundzuluxeriwa ku ya eka tindzimi tin’wana.—w17.09, matl. 19-21.

Xana u ni ntsumi leyi ku sirhelelaka?

Doo! Yesu u byele vadyondzisiwa va yena leswaku tintsumi ti vona xikandza xa Tatana la nge eTilweni. (Mat. 18:10) Yesu a a vula leswaku Tinsumi ta khathala hi vadyondzisiwa va yena, ku nga ri leswaku ti va sirhelela hi ndlela ya singita.—wp17.5, tl. 5.

Hi rihi rirhandzu lerikulu?

Eka mixaka hinkwayo ya rirhandzu lerikulu i a·gaʹpe ri na twelavusiwana naswona ra khathala. A ri na vutianakanyi naswona ri tsakela ku pfuna van’wana.—w17.10, tl. 7.