“Loko ndzi titwa ndzi tshikilelekile, Yehovha wa ndzi khutaza hi ku tirhisa tinsimu ta le ka Vuhaxi Bya JW.”—Lorraine, U.S.A.

I khale Vakreste va yimbelela “tinsimu to dzunisa” leswaku va dzunisa Xikwembu. (Kol. 3:16) Loko u ti khome hi nhloko tinsimu leti, ti ta ku pfuna hambiloko u nga ri na buku ya tinsimu, foni kumbe tablet. Ringeta ku tirhisa swiringanyeto leswi landzelaka leswaku u kota ku ti tiva hi nhloko tinsimu leti.

• Ma hlaye hi vukheta marito ya risimu leswaku u kota ku twisisa nhlamuselo ya kona. U kota ku tsundzuka rungula loko u ri twisisa. Marito ya tinsimu ta hina hinkwato ta Mfumo, tinsimu tin’wana ku katsa ni ta vana ma kumeka eka jw.org. Eka xiyenge lexi nge Layiburari, nghena eka Vuyimbeleri.

• Titsalele hi wexe marito ya risimu. Loko u endla tano, swi ta ku pfuna leswaku u nga ma rivali.—Det. 17:18.

• Praktisa hi ku yimbelela swi twala. Hlaya marito ya risimu kumbe u ri yimbelela hi ku phindhaphindha.

• Tikambele. Ringeta ku tsundzuka marito ya risimu handle ko va u ma languta kun’wana, ivi u tikambela leswaku u ri tsundzuka ku fikela kwihi.