Swiviko swa mahungu swi tele hi mahungu lama nga ni rivengo, madzolonga, vanhu lava hlaselaka van’wana hikwalaho ka leswi va nga va rixaka rin’wana ku katsa ni tinyimpi.

•   “Sweswi ku ni mavulavulelo ya rivengo ku tlula rini na rini eka social media hikwalaho ka nyimpi leyi nga kona exikarhi ka Israyele and Gaza ni hikwalaho ka vanhu lava hlohlotelaka madzolonga ni rivengo.”​—The New York Times, November 15, 2023

•   “Ku sukela hi October 7, ku sungule ku va ni mavulavulelo yo tala ya rivengo ni madzolonga hikwalaho ka xihlawuhlawu ku tlula rini na rini.”​—Dennis Francis, president of the United Nations General Assembly, November 3, 2023.

 Mavulavulelo ya rivengo, madzolonga ni nyimpi i khale swi ri kona. Kahlekahle Bibele yi hlamusela vanhu lava khale a va “[kongomisa] marito ya vona ya nsele ku fana ni miseve” ni lava a va hlohlotela nyimpi ni madzolonga. (Pisalema 64:3; 120:7; 140:1) Hambiswiritano, Bibele yi hlamusela leswaku rivengo leri hi ri vonaka namuntlha ri vula swo karhi.

 Bibele yi paluxa swivangelo swimbirhi leswi endlaka leswaku rivengo ri andza namuntlha.

1.  1. Yi profete nkarhi lowu ‘rirhandzu ra vo tala a ri ta hola.’ (Matewu 24:12) Ematshan’weni yo rhandzana, vanhu vo tala a va ta vengana.​—2 Timotiya 3:1-5.

2.  2. Rivengo lerikulu leri nga kona emisaveni namuntlha ri vangiwa hi nkucetelo wo biha wa Sathana Diyavulosi. Bibele yi vula leswaku “misava hinkwayo yi le hansi ka matimba ya lowo homboloka.”​—1 Yohane 5:19; Nhlavutelo 12:9, 12.

 Hambiswiritano, Bibele yi tlhela yi paluxa leswaku ku nga ri khale Xikwembu xi ta herisa swilo leswi vangaka rivengo. Ku tlula kwalaho, xi ta herisa ku xaniseka hinkwako loko tisiweke hi rivengo. Bibele ya tshembisa:

•   Xikwembu “xi ta sula mihloti hinkwayo ematihlweni ya vona, rifu a ri nge he vi kona, hambi ku ri nkosi, ku rila ni switlhavi a swi nge he vi kona. Swilo swo sungula swi hundzile.”​—Nhlavutelo 21:4.