Yeremiya 14:1-22
14 Yehovha u vule leswi eka Yeremiya mayelana ni dyandza:+
2 Yuda wa rila+ naswona tigede takwe ti wile.
Ti mbombomela ti ri ni gome,Ku ni xirilo eYerusalema.
3 Tindhuna ta vona ti rhuma malandza ya tona ematini.
Ma ya eswihlobyeni kambe a ma kumanga mati.
Ma tlhela ni swibya swa wona swi nga ri na nchumu.
Ma khomiwe hi tingana ni ku hela matimba,Naswona ma tifunengete tinhloko.
4 Varimi va karhatekile naswona va tifunengete tinhlokoHikwalaho ka leswi misava yi pandzelelekeke,Hikuva a ku na mpfula etikweni.+
5 Hambi ku ri mhunti enhoveni yi siya ximhuntana lexi ya ha ku xi velekakaHikuva a ku na byanyi.
6 Timbhongolo ta nhova ti yima ehenhla ka swintshabyana.
Ti hefemula ti lava moya ku fana ni timhungubye;Matihlo ya tona a ma ha voni kahle hikuva a ku na swimila.+
7 Swihoxo swa hina swi nyikela vumbhoni bya leswaku hi ni nandzu,Teka goza Yehovha Xikwembu xanga, hikwalaho ka vito ra wena.+
Hikuva swiendlo swa hina swa ku nga tshembeki swi tele,+Hi ku dyoherile.
8 Wena ntshembo wa Israyele, Muponisi wa yena+ hi nkarhi wa maxangu,Hikwalaho ka yini u fana ni muluveri etikweni,Ku fana ni mufambi loyi a yimaka ntsena leswaku a etlela?
9 Hikwalaho ka yini u fana ni munhu loyi a hlamaleke,Ku fana ni wanuna wa matimba loyi a tsandzekaka ku ponisa?
Hikuva u le xikarhi ka hina, wena Yehovha,+Naswona hi vitaniwa hi vito ra wena.+
U nga hi tshiki.
10 Mayelana ni vanhu lava Yehovha u ri: “Va rhandza ku tsendzeleka;+ a va yi sivelanga milenge ya vona.+ Kutani Yehovha a nga va tsakeli.+ U ta tsundzuka xihoxo xa vona, kutani u ta lava leswaku va tihlamulela hikwalaho ka swidyoho swa vona.”+
11 Yehovha a ku eka mina: “U nga va khongeleli leswaku va kuma swilo leswinene vanhu lava.+
12 Hambiloko va titsona swakudya, a ndzi swi yingisi swikombelo swa vona,+ niloko va humesa magandzelo yo hisiwa ni magandzelo ya mavele, a ndzi ma tsakeli,+ hikuva ndzi ta va herisa hi banga, hi ndlala ni hi ntungu.”*+
13 Hiloko ndzi ku: “Yehovha Hosi Leyi Tlakukeke! Vaprofeta va va byela va ku, ‘A mi nge voni banga naswona a mi nge weriwi hi ndlala kambe ndzi ta mi nyika ku rhula ka ntiyiso endhawini leyi.’”+
14 Hiloko Yehovha a ku eka mina: “Vaprofeta va profeta mavunwa hi vito ra mina.+ A ndzi va rhumanga kumbe ku va lerisa kumbe ku vulavula na vona.+ Va mi profetela xivono xa mavunwa ni ku mi hlahluvela swilo leswi nga pfuniki nchumu ni vukanganyisi lebyi nga etimbilwini ta vona.+
15 Hikwalaho Yehovha u vula leswi mayelana ni vaprofeta lava profetaka hi vito ra mina hambileswi ndzi nga va rhumangiki, lava vulaka leswaku a ku nge vi na banga kumbe ndlala etikweni leri: ‘Vaprofeta volavo va ta herisiwa hi banga ni hi ndlala.+
16 Kutani vanhu lava ku profeteriwaka vona va ta cukumetiwa eswitarateni swa le Yerusalema hikwalaho ka ndlala ni banga, ku ri hava munhu loyi a nga ta va lahla,+ vona, vasati va vona, vana va vona va majaha kumbe va vanhwanyana hikuva ndzi ta va chululela khombo leri va faneleke.’+
17 “U fanele u va byela marito lawa,‘Matihlo ya mina a ma xiririke mihloti vusiku ni nhlikanhi, yi nga yimi,+Hikuva nhwana wa vanhu va mina u tshoveke hi ku helela,+U ni mbanga leyi vavaka ngopfu.
18 Loko ndzi huma ndzi ya enhoveni,Ndzi vona lava dlayiweke hi banga!+
Loko ndzi nghena emutini,Ndzi vona lava nga ni mavabyi lama vangiwaka hi ndlala!+
Hikuva muprofeta ni muprista va rhendzeleke etikweni leri va nga ri tiviki.’”+
19 Xana Yuda u n’wi tshike hi ku helela kumbe xana u nyenye Siyoni?+
Hikwalaho ka yini u hi bile lerova hi nga horisiwi?+
A ku languteriwe ku rhula kambe leswinene a swi tanga,A ku languteriwe nkarhi wa ku horisiwa kambe ku ni ku chava!+
20 Yehovha Xikwembu xanga, ha ku vona ku homboloka ka hina,Ni xihoxo xa vakokwa wa hina,Hikuva hi ku dyoherile.+
21 U nga hi tshiki hikwalaho ka vito ra wena;+U nga xi languteli ehansi xiluvelo xa wena xo vangama.
Tsundzuka ntwanano lowu u wu endleke na hina naswona u nga wu tshovi.+
22 Xana swikwembu swa vamatiko leswi nga pfuniki nchumu swi nga yi nisa mpfula,Kumbe xana matilo ma nga yi nisa mpfula hi woxe?
Xana a hi Wena ntsena Yehovha Xikwembu xa hina loyi a kotaka ku endla swilo leswi?+
Hi tshembe wena,Hikuva hi wena ntsena loyi a endleke swilo leswi hinkwaswo.
Tinhlamuselo ta le hansi
^ Kumbe “vuvabyi.”
