Tipisalema 88:1-18
Risimu. Miloti ya vana va Kora.+ Eka mufambisi; hi ku ya hi xitayele xa Mahalati,* leri faneleke ri yimbeleriwa hi ku nyiketana. Maskili* ya Hemani+ lowa ka Ezra.
88 Yehovha, Xikwembu lexi ndzi ponisaka,+Ndza ku huwelela ninhlikanhi,Kasi nivusiku ndzi ta eka wena.+
2 Xikhongelo xa mina a xi fike eka wena,+Rhiya ndleve u yingisa xikombelo xa mina xo kombela ku pfuniwa.+
3 Hikuva ndzi taleriwe hi makhombo,+Vutomi bya mina byi le non’wini wa Sirha.*+
4 Se ndzi hlayiwa exikarhi ka lava yaka esirheni;+Ndzi hele matimba,+
5 Ndzi le xikarhi ka lava fekeKu fana ni lava dlayiweke, lava etleleke esirheni,Lava u nga ha va tsundzukikiLava u nga ha va pfuniki.
6 U ndzi hoxe emugodini wo enta,Endhawini ya munyama, ekheleni lerikulu.
7 Vukarhi bya wena bya ndzi tikela,+Ndzi funengetiwe hi magandlati ya wena lamakulu. (Selah)
8 U ndzi hambanise ni lava ndzi va toloveleke;+U endle leswaku va ndzi nyenya.
Ndzi phasekile naswona a ndzi koti ku baleka.
9 Tihlo ra mina ra vava hikwalaho ka ku xaniseka ka mina.+
Ndza ku vitana siku hinkwaro Yehovha;+Ndzi ku tlakusela mavoko.
10 Xana u ta endlela lava feke mitirho yo hlamarisa?
Xana lava feke va nga pfuka va ku dzunisa?+ (Selah)
11 Xana rirhandzu ra wena ri ta twarisiwa esirheni,Ku tshembeka ka wena endhawini ya ndzoviso?*
12 Xana mitirho ya wena yo hlamarisa yi ta tiviwa emunyameni,Kumbe ku lulama ka wena etikweni ra lava nga ha tsundzukiki nchumu?+
13 Kambe ndza ha rilela leswaku u ndzi pfuna Yehovha,+Ndzi khongela eka wena mixo wun’wana ni wun’wana.+
14 Hikwalaho ka yini u ndzi tshika, Yehovha Xikwembu xanga?+
Hikwalaho ka yini u ndzi tumbetela xikandza xa wena?+
15 Ndzi le ku xanisekeni
Ku sukela evuntshweni bya mina naswona ndzi le kusuhi ni ku fa;+Ndzi hele matimba hikwalaho ka maxangu lawa u ndzi tshikeke ndzi langutana na wona.
16 Vukarhi bya wena byi ndzi heta matimba;+Ku chavisa ka wena ka ndzi lovisa.
17 Ku ndzi rhendzela siku hinkwaro ku fana ni mati;Ku ndzi pfalele matlhelo hinkwawo.
18 U ndzi hambanise ni vanghana va mina;+Munyama wu hundzuke munghana wa mina.
Tinhlamuselo ta le hansi
^ Vona Tinhlamuselo.
^ Vona Tinhlamuselo.
^ Kumbe “Sheol.” Vona Tinhlamuselo.
^ Kumbe “eAbadoni.”
