Tipisalema 85:1-13
Eka mufambisi. Pisalema ya vana va Kora.+ Miloti.
85 Yehovha Xikwembu xanga, u kombe tiko ra wena tintswalo;+U vuyise vana va Yakobo lava a va ri evuhlongeni.+
2 U rivalele vanhu va wena milandzu ya vona;U va rivalele* swidyoho swa vona hinkwaswo.+ (Selah)
3 U tshike vukarhi bya wena hinkwabyo;U tlherise ku hlundzuka ka wena hinkwako.+
4 Hi tlherisele exiyin’weni xa hina,* wena Xikwembu lexi hi ponisaka,U nga hi hlundzukeli.+
5 Xana u ta hi karihela hilaha ku nga heriki?+
Xana u ta ya emahlweni u karihela ni lava va ha taka?
6 Xana a wu nge tlheli u hi nyika matimbaLeswaku vanhu va wena va ta tsaka hikwalaho ka wena?+
7 Yehovha Xikwembu xa hina, hi kombe rirhandzu,+Hi ponise.
8 Ndzi ta yingisa leswi Yehovha Xikwembu xa ntiyiso a swi vulaka,Hikuva u ta vulavula hi ku rhula eka vanhu vakwe+ vo tshembeka,Kambe a va tivonele leswaku va nga ha titshembi ku tlula mpimo.+
9 U lunghekele ku ponisa lava n’wi chavaka,+Leswaku ku vangama kakwe ku ta vonaka etikweni ra hina.
10 Rirhandzu ni ku tshembeka swi ta hlangana;Ku lulama ni ku rhula swi ta tswontswana.+
11 Ku tshembeka ku ta hluka emisaveni,Ku lulama ku ta languta emisaveni ku ri etilweni.+
12 Hakunene Yehovha u ta humesa leswinene,+Ni tiko ra hina ri ta humesa ntshovelo wa rona.+
13 Ku lulama ku ta famba emahlweni ka yena,+Ku ta endlela mikondzo yakwe ndlela.
Tinhlamuselo ta le hansi
^ Hi Xiheveru, “funengete.”
^ Kumbe “Hi hlengelete u hi tlherisela endzhaku.”
