Tipisalema 101:1-8
Pisalema ya Davhida. Miloti.
101 Ndzi ta yimbelela hi rirhandzu ni vululami.
Yehovha Xikwembu xanga ndzi ta yimbelela ndzi ku dzunisa.
2 Ndzi ta endla swilo hi vutlhari ni hi ku tshembeka.
Xana u ta ta rini eka mina?
Ndzi ta tshembeka+ hambiloko ndzi ri endlwini ya mina.
3 A ndzi nge languti swilo leswi nga pfuniki nchumu.
Ndzi venga mitirho ya lava endlaka leswo biha;+Ndzi fambela ekule na yona.*
4 Ndzi fambela ekule ni lava nga ni timbilu to biha;A ndzi nge swi amukeli* swilo swo biha.
5 Un’wana ni un’wana la onhaka vito ra un’wana+Ndzi ta n’wi miyeta.*
Un’wana ni un’wana la nga ni matihlo lama titlakusaka ni mbilu leyi tikukumuxakaA ndzi nge n’wi tiyiseleli.
6 Ndzi ta hlawula lava tshembekaka emisaveni,Leswaku va ta tshama na mina.
Ndzi ta tirheriwa hi loyi a tshembekaka.
7 Mukanganyisi a nge tshami endlwini ya mina,Ni loyi a hembaka a nge yimi emahlweni ka mina.
8 Mixo wun’wana ni wun’wana ndzi ta herisa vanhu hinkwavo vo homboloka emisaveni,Ndzi lovisa vanhu hinkwavo lava endlaka swo biha emutini wa Yehovha.+
Tinhlamuselo ta le hansi
^ Kumbe “Swiendlo swa vona a swi ndzi namarheli.”
^ Hi Xiheveru, “tivi.”
^ Kumbe “lovisa.”
