Tipisalema 10:1-18
ל [Lamed]
10 Yehovha Xikwembu xanga, hikwalaho ka yini u yimela ekule?
Hikwalaho ka yini u tifihla hi mikarhi ya maxangu?+
2 Hi ku tikukumuxa lowo homboloka u xanisa la nga riki na mupfuni,+Kambe u ta phasiwa hi marhengu yakwe.+
3 Hikuva lowo homboloka u tibuma hi leswaku a nga tiendlela ku rhandza+U katekisa la nga ni makwanga;*נ [Nun]
U delela Yehovha.
4 Hikwalaho ka manyunyu lowo homboloka a nga lavisisi;U tibyela a ku: “A ku na Xikwembu.”+
5 Leswi a swi endlaka swi tshamela ku humelela,+Kambe a nga yi twisisi milawu ya wena;+U venga valala vakwe hinkwavo.
6 U tibyela leswi: “A ndzi nge pfuki ndzi tsekatsekisiwile;A ndzi nge pfuki ndzi weriwe hi khombo+Hilaha ku nga heriki.”
פ [Pe]
7 Nomu wakwe wu tele nhlambha, mavunwa ni ku chavisa van’wana;+Ririmi rakwe ri vanga maxangu.+
8 U tshama a tumbelerile ekusuhi ni swimitana;U tumbelela munhu la nga riki na nandzu a n’wi dlaya.+
ע [Ayin]
Matihlo yakwe ma lavana ni loyi a nga weriwaka hi khombo.+
9 U tumbelela ku fana ni nghala leyi nga ekhwatini.+
U tumbelela leswaku a ta khoma loyi a nga riki na mupfuni.
U khoma loyi a nga riki na mupfuni hi nete yakwe.+
10 Loyi a khomiwaka wa hluriwa a wela ehansi;Loyi a weriwaka hi khombo wa bvanganyetiwa.
11 U tibyela a ku: “Xikwembu xi swi rivele.+
Xi tumbete xikandza xa xona.
A xi nge pfuki xi swi vonile.”+
ק [Qoph]
12 Humelela, Yehovha.+ Wena Xikwembu xanga, tlakusa voko ra wena.+
U nga va rivali lava nga riki na mupfuni.+
13 Hikwalaho ka yini lowo homboloka a delela Xikwembu?
U tibyela a ku: “A wu nge ndzi voni nandzu.”
ר [Resh]
14 Kambe wena wa ma vona maxangu ni ku karhateka.
Loyi a xanisekaka u tsutsumela eka wena.+
Wa n’wi languta kutani u n’wi lamulela.+
U mupfuni wa n’wana loyi a nga riki na tatana.+
ש [Shin]
15 Tshova voko ra lowo homboloka ni lowo biha,+Leswaku loko u lavisisa vuhomboloki byakwe,U nga ha byi kumi.
16 Yehovha i Hosi hilaha ku nga heriki.+
Matiko ma lovile emisaveni.+
ת [Taw]
17 Kambe u ta twa xikombelo xa lavo rhula, wena Yehovha.+
U ta tiyisa timbilu ta vona+ u tlhela u va yingisela.+
18 U ta lwela n’wana la nga riki na tatana ni lava tshikileriwaka,+Leswaku va nga ha chavisiwi hi munhu.+
Tinhlamuselo ta le hansi
^ Kumbexana “Loyi a nga ni makwanga wa tikatekisa.”
