Long Mas 23, inap olsem 12 milion manmeri bai kam long bung bilong Memorial. Taim ol i kam long dispela bung, brata i mekim tok bai stori long presen Jehova i givim, em pe bilong baim bek yumi, na em bai stori tu long ol blesing ol manmeri bai kisim long bihain! (Ai 11:6-9; 35:5, 6; 65:21-23; Jon 3:16) I no dispela brata tasol bai i stap olsem witnes long dispela spesel bung. Yumi olgeta inap stap olsem ol witnes na welkamim ol lain i kam. (Ro 15:7) Em hia sampela samting yumi ken mekim.

• Taim yu kamap long ples bung, yu no ken sindaun na wetim program long kirap, nogat; mobeta yu welkamim ol visita na ol narapela husat i lusim miting inap longpela taim, na smail na gritim ol

• Em tru olsem yu bai tingim ol lain yu yet i bin invaitim, tasol yu mas tingim tu ol narapela husat i kam bikos ol i kisim invatesen long rot bilong wok autim tok. Tokim ol nupela lain long sindaun wantaim yu, na yu ken serim Baibel na song buk wantaim ol

• Bihain long tok bilong Memorial, yu mas bekim ol askim bilong ol. Sapos narapela kongrigesen bai yusim ples bung na yu no gat taim, yu ken stretim rot bilong i go lukim ol insait long sampela de. Sapos yu no gat fon namba bilong ol, yu ken tok: “Mi laik harim tingting bilong yu. Yu pilim olsem wanem long dispela program? Hau bai mi inap bungim yu gen?”