GOBEK
LESEN 7
Wok Yet Long Helpim Ol Man
Stiatok: “Ol i no lusim pasin bilong skulim ol manmeri na autim gutnius.”—Apo. 5:42.
Samting Pol i Mekim
1. Lukim VIDIO, o ritim Aposel 19:8-10. Na skelim ol dispela askim:
Yumi Kisim Wanem Skul Long Pol?
2. Yumi mas lusim sampela haptaim na wok strong long mekim gut ol gobek na kirapim ol Baibel stadi.
Bihainim Pasin Bilong Pol
3. Redi long go bek lukim man long taim i stret long em. Askim yu yet: ‘Wanem taim na long wanem hap bai gutpela long mi bungim em? Wanem taim i gutpela long em inap toktok wantaim mi?’ Redi long mekim gobek maski sapos taim em i makim i hatwok long yu.
4. Askim man wanem taim i gutpela long yu go bek lukim em. Long pinis bilong olgeta gobek yu mekim, askim man long wanem taim stret yu inap go lukim em gen. Yu mas go lukim em long ples na taim stret yutupela i wanbel long en.
5. Holim stretpela tingting. No ken kisim tingting kwik olsem man i no laik harim tok sapos planti taim em i no stap long haus o em i save bisi, nogat. (1 Kor. 13:4, 7) Wok yet long painim em, tasol mekim gut wok long taim bilong yu.—1 Kor. 9:26.
