Buk Song 31:1-24
Tok i go long dairekta. Devit i raitim dispela song.
31 Jehova, mi kam long yu bai yu stap ples hait bilong mi.+
Yu no ken larim mi kisim sem.+
Yu gat stretpela pasin, olsem na yu mas kisim bek mi.+
2 Putim yau long* singaut bilong mi.
Kam hariap na helpim mi.+
Stap olsem maunten bilong mi we mi ken i go hait long en,
Na olsem strongpela ples hait bilong kisim bek mi.+
3 Yu olsem bikpela ston na strongpela banis bilong mi;+Yu mas tingim nem bilong yu,+ na go pas long mi na stiaim mi long bihainim gutpela rot.+
4 Ol man i bin hait na putim trap bilong holimpasim mi, tasol yu bai rausim mi long trap,+Long wanem, yu tasol yu strongpela ples hait bilong mi.+
5 Mi putim strong bilong laip bilong mi i go long han bilong yu.+
Jehova, yu God bilong mekim pasin tru tasol, yu kisim bek* mi pinis.+
6 Mi no laikim tru ol man i save lotuim ol imis we i no save helpim man,Tasol mi yet, mi trastim Jehova.
7 Yu save mekim gutpela pasin laikim* long mi, olsem na mi amamas tru long yu,Yu lukim pinis ol pen na hevi mi karim;+Na yu save long bikpela bel hevi mi gat.
8 Yu no bin putim mi long han bilong ol birua,Tasol yu mekim mi sanap long ples we mi stap gut.
9 Jehova, yu mas helpim mi, long wanem, mi gat hevi.
Bel hevi i mekim na ai bilong mi i no gat strong,+ na bodi bilong mi tu i no gat strong moa.+
10 Laip bilong mi i pulap tasol long bel hevi+Na mi krai sori long olgeta yia+Sin bilong mi i mekim na strong bilong mi i pinis;Ol bun bilong mi i no gat strong moa.+
11 Ol birua bilong mi i tok bilas long mi,+Na moa yet ol arapela man.
Ol man mi save long ol, ol i pret tru long mi;Mi wokabaut long rot, na ol man i lukim mi, ol i ranawe long mi.+
12 Ol man i no tingim mi moa, ol i lusim tingting pinis long mi, i olsem mi dai pinis long ai bilong ol;Mi olsem wanpela sospen i bruk pinis.
13 Mi harim planti tok win nogut;Ol samting bilong mekim mi i pret i stap long olgeta hap.+
Ol i bung wantaim bilong mekim nogut long mi,Na ol i pasim tok long kilim mi i dai.+
14 Tasol mi bilip long yu, Jehova.+
Mi tokaut olsem, “Yu God bilong mi.”+
15 Laip bilong mi i stap long han bilong yu.
Yu mas kisim bek mi long han bilong ol birua bilong mi na long ol man i mekim nogut long mi.+
16 Yu mas mekim pes bilong yu i lait long wokman bilong yu.+
Na yu mas soim gutpela pasin laikim* bilong yu na kisim bek mi.
17 Jehova, taim mi singaut long yu, yu mas harim singaut bilong mi na bai mi no ken kisim sem.+
Ol man nogut ol i ken sem nogut tru;+Ol i ken go daun long Matmat* na maus bilong ol i ken pas.+
18 Ol man bilong tok giaman, maus bilong ol bai pas,+Em ol man i save tok bilas long ol stretpela man na mekim tok long pasin antap.
19 Gutpela pasin bilong yu i bikpela tru!+
Yu gat planti gutpela samting bilong givim long ol man i pret long yu,+Na yu bin soim dispela pasin long ol man i go long yu bilong hait, na olgeta man i lukim.+
20 Yu bai haitim ol long ples hait klostu long yu+Longwe long ol man i pasim tok long bagarapim ol;Yu bai haitim ol gut long haus sel bilong yuNa tok bilong ol man long bagarapim ol i no inap daunim ol.+
21 Litimapim nem bilong Jehova,Long wanem, em i bin mekim gutpela pasin tru long mi, na soim gutpela pasin laikim* long mi+ taim mi stap long wanpela taun em ol man i bin raunim.+
22 Mi pret nogut tru na mi tok olsem:
“Mi bai i no moa stap klostu long ai bilong yu.”+
Tasol yu harim krai bilong mi na helpim mi taim mi singaut long yu.+
23 Yupela i mas laikim tru Jehova, yupela ol man i save stap gut long em!+
Jehova i save lukautim gut ol manmeri i bihainim em,+Tasol em i save bekim pe nogut long ol man i gat pasin antap.+
24 Yupela ol manmeri i wet long Jehova,+Yupela strongim bel na no ken pret.+
