SENA CAKALENGWA BUYA?
Mbwaapangidwe Menyo Aankumba Iitegwa Limpet
Nkumba iitegwa Limpet, iikkala mumaanzi alimwi iijisi cipapa cibulungene, ijisi menyo mayumu kapati. Menyo aaya apangidwe aamilambi iisinsikene kapati alimwi mafwuwa aangawo ajisi mineral yiitwa kuti goethite iijanika muzibeela ziteteete zyamenyo.
Amulange-lange: Mulaka wankumba eeyi uzingulukidwe amenyo aacengeme, aatasiki ku 1 sentimita mpoonya abeleka mbuli nswailo. Linyo limwi alimwi lyeelede kuyuma kapati kutegwa licikonzye kupala nyanzabili kumabwe kutegwa nkumba ilye.
Basikuvwuntauzya bakabelesya muncini uukomezya zintu naa microscope kutegwa babone mbwaali mayumu menyo aankumba eeyi. Bakajana kuti menyo aankumba eeyi mayumu kapati kwiinda cintu cili coonse ncobakapimide, kubikkilizya aluubilili. Mupati-pati wabasikuvwuntauzya aaba wakaamba kuti: “Tweelede kusola kwiiya mbwaapangidwe menyo aankumba eeyi ciindi notupanga zintu.”
Basikuvwuntauzya baamba kuti balakonzya kupanga zintu ziyumu mbuli menyo aankumba eeyi zikonzya kubelesyegwa mukupanga myootokala, mato, ndeke, alimwi amenyo aakupanga.
Ino muyeeya buti? Sena menyo aankumba iitegwa limpet akasanduka buya naa akalengwa buya?
Andiza Inga Mwaakkomanina Ayaaya
SINSIMUKA!
Tumaulu Tuli Mbuli Tutambo Twankumba-kumba Yamulwizi Iitegwa Marine Mussel
Nkumba-kumba zyamulwizi izitegwa marine mussel zilanamatila kucintu cimwi kwiinda mukubelesya tumaulu ituli mbuli tutambo. Kumvwisya mbozibeleka kulakonzya kutugwasya kujana nzila zipya alimwi zibotu zyakunamatizya zibelesyo kubwaanda naa milambi kuzifwuwa.
SENA CAKALENGWA BUYA?
Gulu Wankumba-nkumba Iitegwa Barnacle
Kwaambwa kuti gulu uupangwa ankumba-nkumba iitegwa barnacle ulisumpukide kapati kwiinda yooyo uupangwa abantu. Pele nkumba-nkumba eezyi mbozicikonzya kunamatila kuzintu izili mumaanzi cakali cintu cikatazya kumvwisya.