Bantu banji bayeeya kuti kusalana mubala kunyina nokuyoomana.

•   Kuyungizya waawo, kwazumanana kupa bantu kuteendelezyanya cabululami.”—Ba António Guterres, ba Secretary-General ba United Nations.

 Sena kusalana mubala kuli nokuyoomana? Ino Bbaibbele lyaamba nzi?

 Bbaibbele lilatuyiisya kujatikizya Leza mbwababona bantu bamisyobo yoonse.

•   “[Leza] wakalenga bantu ibali muzisi zyoonse kuti bakkale munyika yoonse.”—Milimo 17:26.

•   “Leza tasalululi, pele muzisi zyoonse kufwumbwa muntu uumuyoowa akucita ziluleme ulatambulwa kulinguwe.”—Milimo 10:34, 35.

 Bbaibbele lyaamba kuti bantu boonse mukwasyi omwe alimwi akuti Leza ulabatambula bantu bamisyobo yoonse.

 Kusalana mubala kuyoomana Bwami bwa Leza nkokuti imfwulumende yakujulu, bwaakutalika kulela. Mfwulumende eeyi iyakuyiisya bantu kweendelezyanya munzila iiluzi. Bantu bayakwiiya mbobakonzya kuuzunda muuya wakusalana mubala ngobajisi lino.

•   “Bantu bakkala munyika [bayakwiiya] bululami.”—Isaya 26:9.

•   “Bululami bwini-bwini buyooleta luumuno, alimwi micelo yabululami bwini-bwini iyooba luumuno akuliiba mane kukabe kutamani.”—Isaya 32:17.

 Mazubaano, mamiliyoni aabantu bali mukwiiya mu Bbaibbele mbobakonzya kweendelezya bamwi munzila yabulemu.

•   Kutegwa mwiiye zinji, amubale Sinsimuka! yakuti “Sena Kuli Cikonzya Kumana Lusalululo?”

•   Amubale cibalo camu Cikuwa cakuti “Talking to Children About Racism” kutegwa mubone bazyali mbobakonzya kwaabandika makani aaya.