1 | Mupailo—“Kamuwaala Makatazyo Aanu Oonse Kulinguwe”
BBAIBBELE LYAAMBA KUTI: “Kamuwaala makatazyo aanu oonse kulinguwe, nkaambo ulamubikkila maano.”—1 PETRO 5:7.
Bupanduluzi
Jehova Leza ututamba kuti katumwaambila zintu zituminya mumizeezo yesu alimwi amumoyo. (Intembauzyo 55:22) Tacikwe makani abupati bwapenzi ndyomujisi, mweelede kulipailila. Ikuti kamupenga, nkokuti awalo Jehova ulapenga akaambo kakuti ulatubikkila maano alimwi akubikkila maano mbotulimvwa. Kupaila kulinguwe ninzila iigwasya kujana luumuno lwamumizeezo.—Bafilipi 4:6, 7.
Mbocikonzya Kutugwasya Eeci
Ciindi notupenga abulwazi bwamumizeezo, tulakonzya kulimvwa kulendelelwa kapati. Bantu bamwi tabakonzyi kumvwisya zintu nzyotuli mukwiindamo. (Tusimpi 14:10) Pele ciindi notumwaambila cakuzwa ansi aamoyo Leza kwiinda mumupailo, uyootuswiilila caluzyalo alimwi akutumvwisya. Jehova ulatubona, ulikuzyi kucisa kwesu alimwi amapenzi eesu, aboobo uyanda kuti katupaila kulinguwe kumwaambila kufwumbwa cintu citulibilisya.—2 Makani 6:29, 30.
Kubandika a Jehova mumupailo kuyumya lusyomo lwesu lwakuti ulatubikkila maano. Tulakonzya kulimvwa mbuli sintembauzyo wakapaila kuti: “Wakubona kupenga kwangu; waazyiba mapenzi aangu mapati.” (Intembauzyo 31:7) Kuzyiba buyo kuti Jehova ulakubona kupenga kwesu, cilatugwasya kuliyumya ciindi notujana mapenzi. Pele ulacita zinji kunze buyo lyakubona mapenzi eesu. Kwiinda muntu uuli woonse, ulaamvwisya mapenzi ngotujisi alimwi ulatugwasya kujana luumbulizyo akutukulwaizya kuzwa mu Bbaibbele.
Andiza Inga Mwaakkomanina Ayaaya
NGAZI YAMULINDIZI
Mbuti Mbomukonzya Kupaila Kutegwa Leza Ayimvwe Mipailo Yanu?
Amupaile kuli Leza kufwumbwa nkomubede aaciindi cili coonse, cakupozya naa cakaumuumu. Jesu mane wakatuyiisya kuzyiba ncotukonzya kwaamba.
TUPANGO TWAMU BBAIBBELE TWAPANDULULWA
Lugwalo lwa Isaya 41:10 Lwapandululwa—“Utayoowi pe, Nkaambo Ndilaanduwe”
Jehova wakawiinduluka ziindi zyotatwe muzeezo omwe kukankaizya kuti ubalagwasyilizya bakombi bakwe basyomeka.
NJIISYO ZYAMU BBAIBBELE ZIYANDIKA
Sena Leza Ulaiswiilila Mipailo Yoonse?
Ino mbuti kuti muntu wapailila buyo zintu zigwasya nguwe alikke? Ino mwaalumi uupenzya mukaintu wakwe mpoonya amana wapaila kulomba zileleko kuli Leza?
BAKUBUSI BALABUZYA
Nkaambo nzi Ncondeelede Kupaila?
Sena mupailo ncintu buyo cipa kulimvwa kabotu, naa ncintu ciyandika?
NGAZI YAMULINDIZI
Sena Leza Ulaimvwa Mipailo Yesu?
Bbaibbele litwaambila kuti Leza ulatuswiilila ciindi notupaila kulinguwe munzila yeelede.
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
