MBOTUKONZYA KUMANA PENZI LYAKUSULAIKANA
1 | Mutanoosalululi
Njiisyo Yamu Bbaibbele:
“Leza tasalululi, pele muzisi zyoonse kufwumbwa muntu uumuyoowa akucita ziluleme ulatambulwa kulinguwe.”—MILIMO 10:34, 35.
Ncocaamba:
Jehova * Leza kunyina natubeteka kweelana acisi nkotuzwa, musyobo wesu, mubala wesu naa zilengwa zyesu. Muciindi caboobo, ubikkila maano kucintu ciyandika kapati, nkokuti mbotubede mukati kamoyo wesu. Alimwi Bbaibbele lyaamba kuti, “muntu ubona buyo zilibonya ameso, pele Jehova ubona zili mumoyo.”—1 Samuele 16:7.
Ncomukonzya Kucita:
Nokuba kuti tatukonzyi kuzyiba zili mumyoyo yabantu, tulakonzya kusola kumwiiya Leza akutasalulula bamwi. Amusolekesye kubona bantu umwi aumwi kumugama kutali mbuli nkamu. Ikuti mwazyiba kuti mujisi mizeezo iitaluzi kujatikizya bantu bamwi, ambweni aabo bamusyobo umbi naa ibazwa kucisi cimbi, amupaile kuli Leza kutegwa amugwasye kugwisya mizeezo iili boobo. (Intembauzyo 139:23, 24) Ikuti mwamulomba Jehova kuzwa ansi aamoyo kuti amupe nguzu zyakuba bantu batasalululi, mulakonzya kuba masimpe kuti uyakuuswiilila mupailo wanu alimwi akumugwasya.—1 Petro 3:12.
^ munc. 6 Jehova ndezina lya Leza limugeme.—Intembauzyo 83:18.
“Tiindakalinakkede caluumuno amuntu mukuwa, . . . Lino ndakaba cibeela cabunyina bwanyika yoonse cini-cini.”—BA TITUS
Andiza Inga Mwaakkomanina Ayaaya
NGAZI YAMULINDIZI
Jehova “Tasalululi”
SINSIMUKA!
Ino Ncinzi Ncolyaamba Bbaibbele Kujatikizya Kusalana Mubala?
Sena misyobo yoonse ileelene? Sena kusalana mubala kuli nokuyoomana?
