SENA CAKALENGWA BUYA?
Mbwacikonzya Kuzyiba Nkwaya Syaankumbula Mazi
SYAANKUMBULA mazi, mazi waabelesya munzila zinji. Ulaalya, alimwi akutula mayi mulingawo. Tusankwa tumwi tulapa cibeela cipati camazi kukauka kazyazi kutegwa kazumine kusyabwa. Kulwanina mazi aacili matete kulacitika kanji-kanji. Cimwi ciindi basikuvwuntauzya bakabajana kuti basyaankumbula mazi bali 16,000 bakavwoomana abufwumba bwamuzovwu, alimwi akubumana mumawoola obilo buyo.
Misyobo imwi yabasyaankumbula mazi, ilatija kuzwa mpoyahoomene kwiinda mukupanga cimbuulumbulu camazi, akucikunkulisya kuzwa amulwi wamazi akucizikka mubulongo buteteete. Syaankumbula mazi ulacikunkulisya cimbuulumbulu cakutanyona-nyona akaambo kakuti kucita boobo kulamugwasya kweendesya, alimwi akweeleba ntenda yakuti cimbuulumbulu citabbigwi abasyaankumbula mazi bambi.
Pele ncinzi cipa syaankumbula mazi kweenda cakutanyona-nyona, kwaambisya ciindi camasiku?
Amubone kaambo aaka: Buvwuntauzi bwakacitwa ino-ino butondezya kuti basyaankumbula mazi balakonzya kweenda mumumuni wazuba naa wamwezi, pele alimwi inga beenda mumudima kakunyina kunyona-nyona. Basikuvwuntauzya baku South Africa bakajana kuti basyaankumbula balacikonzya kucita boobo, kutali kwiinda mukubelesya nyenyezi, pele kwiinda mukubelesya mumuni uuzwa mumulalabungu. Magazini yakuti Current Biology, yaamba kuti “eeci ncecibalo cakusaanguna caamba kujatikizya mulalabungu mboubasololela banyama.”
Sikuvwuntauzya wazina lya Marcus Byrne, waamba kuti basyaankumbula mazi balijisi “busongo bwakubona ciindi nobeenda nomuba mubusena muli mumuni musyoonto kapati.” Ulayungizya kuti: “Basyaankumbula mazi inga bacikonzya kuyiisya bantu kuzyiba mbobakonzya kumana penzi lyakutabona.” Mucikozyanyo, cilobboti cilakonzya kutumwa kuyooyandaula bantu ibavwukkilwa muŋanda yakolomoka kwiinda mukwiiya busongo bwasyaankumbula mazi bwakukonzya kuzyiba nkwaya.
Ino muyeeya buti? Sena busongo bwasyaankumbula mazi bwakuzyiba nkwaya bwakaboola akaambo kakusanduka kwazintu naa bwakalengwa buya?
Sena mulizyi?
Basyaankumbula mazi babikka mbolezi mubulongo, bamwaya nseke zyazisyango, alimwi akucesya-cesya nzinini.
Andiza Inga Mwaakkomanina Ayaaya
SINSIMUKA!
Mbozipangidwe Zipapa zya Nkumba-nkumba Zyamulwizi
Mbozipangidwe zipapa zyankumba-nkumba zigwasya kukwabilila nkumba-nkumba izili mukati.
SINSIMUKA!
Mubala Wacikambwe (Blue) Weebeka Wamucelo Uutegwa Pollia
Mucelo wa Pollia taujisi mubala wacikambwe mukati, nokuba boobo ngowiinda kuba amubala ooyu wacikambwe akati kazisamu zyoonse. Ino ncinzi cipa kuti kacilibonya mumubala ooyu weebeka kapati?
SINSIMUKA!
Boya Bwakanyama Kategwa Sea Otter
Zinyama zimwi izikkala mumaanzi zisyoma mafwuta manji aali kucikanda kutegwa kazimvwa kukasaalilwa lyoonse. Pele kanyama kategwa sea otter kabelesya nzila imbi.
SINSIMUKA!
Mboicikonzya Kusika Acintu Nzuki
Ncinzi cipa kuti kusika acintu munzila nguba-uba kubonwe kuti kulakonzya kugwasya ikuti kwacitwa mumalobboti aawuluka?
SINSIMUKA!
Cilikwabilizyo Kukupya Cakanyenyene Kategwa Saharan Silver Ant
Kanyenyene aaka kali akati katuuka twaanyika ikazyibidwe kuti kalaliyumya kapati kukupya. Ino ncinzi cigwasya kanyenyene aaka kuliyumya ciindi nokupya kapati?
SINSIMUKA!
Tumaulu Tuli Mbuli Tutambo Twankumba-kumba Yamulwizi Iitegwa Marine Mussel
Nkumba-kumba zyamulwizi izitegwa marine mussel zilanamatila kucintu cimwi kwiinda mukubelesya tumaulu ituli mbuli tutambo. Kumvwisya mbozibeleka kulakonzya kutugwasya kujana nzila zipya alimwi zibotu zyakunamatizya zibelesyo kubwaanda naa milambi kuzifwuwa.
