Mika 5:1-15
5 “Lino ulinengaula amubili,Yebo omwana musimbi uulwanwa;Swebo twasinkililwa.+
Bauma mubetesi wamu Israyeli kusaya amusako.+
2 Yebo, O Betelehemu Efrata,+Omuniini kapati akati kazyuulu-zyuulu* zya Juda,Mulinduwe muyoozwa yooyo uuyoondibeda muleli mu Israyeli,+Matalikilo aakwe ngakaindi, kuzwa kumazuba aakale-kale.
3 Aboobo uyoobaabaKusikila ciindi ooyo uutumbuka nayootumbuka.
Mpoonya banabokwabo boonse bayoojokela kubana Israyeli.
4 Uyakwiima akweembela munguzu zya Jehova,+Mukusumpuka kwazina lya Jehova Leza wakwe.
Aboobo bayookkala cakuliiba,+Nkaambo bupati bwakwe buyoosika kumagolelo aanyika.+
5 Alimwi uyooleta luumuno.+Ikuti muna Asuri akanjilile cisi cesu akulyata mungazi zyesu zikwabilidwe,+Tuyoomubusyila beembezi bali ciloba, inzya basilutwe* bali lusele kuzwa akati kabantu.
6 Bayakweembela cisi ca Asuri apanga,+Acisi ca Nimurodi+ kumanjililo aancico.
Alimwi uyootuvwuna kumuna Asuri,+Ciindi aakunjilila cisi cesu alimwi akulyata mucilawo cesu.
7 Ibasyeede bamusyobo wa Jakobo bayooba akati kabantu banjiMbuli mume uuzwa kuli Jehova,Mbuli mvwula yalunywaanywa iiwida zisyangoIitalangili muntuNokuba kulindila bana babantu.
8 Ibasyeede bamusyobo wa Jakobo bayooba akati kamasi,Inzya akati kabantu banji,Mbuli syuumbwa akati kabanyama bamusyokwe,Mbuli syuumbwa uucili mwana akati kamatanga aambelele,Ooyo uuzivwaampila akuzizazaula nainda;Cakuti kunyina uuzivwuna.
9 Ijanza lyako liyoosumpulwa akuzunda basinkondonyoko,Alimwi balwani bako boonse bayoonyonyoonwa.”
10 “Mubuzuba oobo,” mbwaamba Jehova,“Ndiyoojaya mabbiza aako akati kako akunyonyoona nkalaki zyako.
11 Ndiyoonyonyoona minzi yamucisi cakoAkukolomona maanda aako oonse aakwabilidwe.
12 Ndiyoolobya bulozi mbocita yebo,Alimwi kunyina simasalamuzi uuyoosyaala mulinduwe.+
13 Ndiyoonyonyoona zikozyanyo zyako zibezedwe amisemu yako iili mulinduwe,Aboobo kunyina limbi noyookotamina milimo yamaanza aako.+
14 Ndiyakwiizyula misemu yako yazisamu yakukomba*+ iili mulinduweAkunyonyoona minzi yako.
15 Cabukali alimwi kandinyemede ndiyoosubulaMasi aataswiilili.”
