Jobu 36:1-33
36 Elihu wakazumanana kwaamba kuti:
2 “Kocindikkazikila moyo aniini buyo nendipandulula,Nkaambo ndicijisi majwi aakwaamba ikwiiminina Leza.
3 Ndilalomya kwaamba zintu zyoonse nzyondizyi,Alimwi ndilaamba kuti Mulengi wangu uliluleme.+
4 Masimpe imajwi aangu taali akubeja pe;Ooyo uujisi luzyibo+ lukkwene nkwali aano kumbele lyako.
5 Masimpe, Leza ngusinguzu+ alimwi kunyina muntu ngwakaka;Mupati caboola kunguzu zyakumvwisya zintu.*
6 Kunyina nayoolekela kuti mubi azumanane kupona,+Pele ulabeteka cabululami twaambo twabaabo bapenzyegwa.+
7 Tagusyi meso aakwe kubantu baluleme;+Ulababikka acuuno cabwami antoomwe abami,*+ eelyo balasumpulwa mane kukabe kutamani.
8 Pele kuti baangwa nketaniAkuzambailwa ntambo zyamapenzi,
9 Ulabaambila nzibacita,Imilandu njibacita akaambo kakulisumpula.
10 Ulasinkula matwi aabo kutegwa bamvwe majwi aakubalulamikaAkubaambila kuti baleke kucita bubi.+
11 Ikuti bakamuswiilile akumubelekela,Mazuba aabuumi bwabo oonse anooli mabotu,Amyaka yabuumi bwabo yoonse inookondelezya.+
12 Pele ikuti batakaswiilili bayoojaigwa apanga*+Akufwa kabatajisi luzyibo.
13 Aabo batayoowi Leza* mumyoyo yabo balabikkilila.
Tabakwiilili lugwasyo nokuba kuti walo ulibaangide.
14 Balafwa kabacili bana,+Buumi bwabo bumanina antoomwe abasankwa bavwuule bamutempele.+
15 Pele Leza ulabavwuna bantu bapengede kumapenzi aabo;Ulasinkula matwi aabo nobadyaamininwa.
16 Yebo ulakukwela kuzwa kumapenzi+Akukuleta mubusena bupati, bwakulikwaya,+Atebulu lyako kakuli zyakulya zibotu kapati zyakukuumbulizya.+
17 Aboobo yebo uyookkutila baakupegwa cisubulo bantu babi;+Ciindi makani aakubetekwa abululami bwaakusumpulwa.
18 Pele kocenjela kuti bukali butakupi kuba amfwundiilili,+Alimwi cisinkamulomo cipati citakupi kuleya pe.
19 Sena kukwiilila lugwasyo kwakoNaa kusolekesya canguzu nkocita inga kwakutantamuna kumapenzi?+
20 Utayandisyi masiku,Eelyo bantu nobanyonyooka mumasena aabo.
21 Kocenjela kuti utataliki kucita cintu cibi,Utasali cintu eeci muciindi cakupenzyegwa.+
22 Bona! Leza ulaanguzu zinji kapati;Ino mwiiyi nzi uuli mbuli nguwe?
23 Ino nguni weendelezya* nzila yakwe+Naa kumwaambila kuti, ‘Ncoocita taciluzi pe’?+
24 Utalubi kulemeka milimo yakwe,+Eeyo njobaimba bantu munyimbo zyabo.+
25 Bantunsi boonse baibona,Muntu uluujisi kwiilanga kali kule.
26 Ncobeni, Leza mupati kapati kwiinda mbotukonzya kuzyiba;+Mweelwe wamyaka yakwe tuukonzyi kuzyibwa pe.+
27 Ulakwela malosi aamaanzi kuzwa ansi;+Alacinca kuba mvwula kuzwa muli sikunku wakwe;
28 Mpoonya makumbi alawisya mvwula mpati;+Alalosyela bantu maanzi.
29 Sena kuli muntu uukonzya kumvwisya makumbi mbwaayalidwe,Amuzumo uuzwa mutente lyakwe?+
30 Bona mbwayala kalabo*+ kakwe atala lyangawoAkuvwumba mpisi* zyalwizi.
31 Kwiinda muzintu eezyi ulasanina* bantu;Ulabapa cakulya cinji kapati.+
32 Ulavwumba kalabo amaanza aakwe,Akukafwusa ambaakani yankako.+
33 Muzumo wakwe waamba mbwabede,Azyalo zivwubwa zilaamba kujatikizya yooyo* uuboola.
Bupanduluzi buyungizyidwe
^ Naa ambweni, “Ulakkazika bami acuuno cabwami.”
^ Naa “acilwanyo (cakufwusa).”
^ Naa “Basiluleyo.”
^ Naa ambweni, “uukazya; uumupa mulandu akaambo ka.”
^ Mu Chihebrayo, “mumuni.”
^ Mu Chihebrayo, “miyanda.”
^ Naa ambweni, “ulakombelezyela.”
^ Naa ambweni, “ceeco.”
^ Mu Chihebrayo, “ulabikka ciganto ajanza lyabantu boonse.”
