Intembauzyo 83:1-18
Lwiimbo. Intembauzyo ya Asafu.+
83 O Leza, utaumuni buyo pe;+Utaumuni buyo naa kukkala buyo, O Leza.
2 Nkaambo bona! basinkondonyoko baluujisi kupyopyongana;+Aabo bakusulide balalisumpula.*
3 Cabumpelenge bapangana kulwana bantu bako;Bakanza kubacitila cibi bantu bako mboyandisya.*
4 Baamba kuti: “Amuboole tubanyonyoone batabi limbi cisi,+Kutegwa zina lya Israyeli litakayeeyegwi limbi.”
5 Calukamantano bajana nzila yomwe;*Bapanga cizuminano cakuti bakulwane+—
6 Imatente aabana Edomu abana Isimayeli, bana Moabu+ abana Hagiri,+
7 Bana Gebali, bana Amoni+ alimwi abana Amaleki,Bana Filisitiya+ antoomwe abaabo bakkala mu Turo.+
8 Abalo bana Asuri+ babasangana;Bagwasya* bana ba Loti.+ (Sela)
9 Kobacita mbubonya mbookacita Midiyani,+Sisera alimwi a Jabini kukalonga ka Kisoni.+
10 Bakanyonyoonwa ku Eni-dori;+Bakaba mbolezi yanyika.
11 Nkumekume zyabo kozipa kuba mbuli Orebi a Zeebi+Alimwi basilutwe* babo kobapa kuba mbuli Zeba a Zalimuna,+
12 Nkaambo bakaamba kuti: “Atucibweze cisi mwakkala Leza kuti cibe cesu.”
13 O Leza wangu, kobacita kuba mbuli kasanzu kamamvwa katolwa akambizi,+Ambuli buungu bupepululwa amuwo.
14 Mbubonya mbuli mulilo uumpa syokwe,Ambuli mabangabanga aamulilo aatenta malundu,+
15 Kobatandaanya aguwo lyako pati+Alimwi kobayoosya amuwo wako wuunga canguzu.+
16 Kopa kuti nsoni zibajaye,Kutegwa bayandaule zina lyako, O Jehova.
17 Abausyigwe nsoni akuyoowa lyoonse mane kukabe kutamani;Abasampulwe akunyonyoonwa;
18 Bantu abazyibe kuti yebo, oojisi zina lyakuti Jehova,+Yebo olikke ndonduwe Mupatikampatila atala aanyika yoonse.+
Bupanduluzi buyungizyidwe
^ Naa “banongomeka mitwe yabo.”
^ Mu Chihebrayo, “basisidwe.”
^ Mu Chihebrayo, “bapana maano camoyo omwe.”
^ Mu Chihebrayo, “Baba janza ku.”
^ Naa “basololi.”
