Intembauzyo 55:1-23
Kumweendelezi wanyimbo; lwiimbwe kakulila tuntimbwa. Masikili.* Intembauzyo ya Davida.
55 Komvwa mupailo wangu, O Leza,+Alimwi utandicitili muuzyamvwide nendikulomba kuti undifwide luse.*+
2 Kondibikkila maano akundivwiila.+
Zintu zindilibilisya zyandipa kucucauka,+Alimwi ndazyingwa
3 Akaambo kazyeezyo nzyaamba sinkondomaAlimwi akaambo kakupenzyegwa amuntu mubi.
Nkaambo baluujisi kundiletela mapenzi,Alimwi cabukali balandibikkilila.+
4 Moyo wangu ulacisa kapati mucamba cangu,+Alimwi ndililuyoowede kapati lufwu.+
5 Buyoofwu akukankama zili alindime,Akwalo kuzuzuma kulindijisi.
6 Lyoonse ndaamba kuti: “Eelo kaka nindalijisi mababa mbuli nziba!
Nindauluka akuunka kuyookkala mubusena bwakuliiba.
7 Bona! Nindatijila kule.+
Nindaakukkala munkanda.+ (Sela)
8 Nindafwambaana kuunka kubusena bwakuyusilaKuzwa kumuwo wuungisya, kuzwa kuguwo pati.”
9 Kobanyonganya, O Jehova, kojaya makanze aabo,*+Nkaambo ndabona nkondo amazwanga mumunzi.
10 Syikati amasiku baleendeenda atala aamalambo aanguwo kabauzinguluka;Mulinguwo muli bujayi amapenzi.+
11 Mulinguwo muli lunyonyooko;Kudyaaminina abumpelenge tazimani pe kubbuwa lyanguwo lyabuleya.+
12 Nkaambo tali sinkondoma uundisampaula;+Nicali boobo, nindaliyumya.
Tali muntu uundisulide iwandibukila;Nicali boobo, nindamuyuba.
13 Pele nduwe, omuntu uuli mbuli ndime,*+Omweenzuma buya ngondizyi kabotu.+
14 Yebo andime twakali kumvwana kapati;Twakali kweenda antoomwe munkamu kunjila muŋanda ya Leza.
15 Abasikilwe lunyonyooko!+
Abaunke mu Cuumbwe* kabalanga;Nkaambo bubi nkobuli akati kabo alimwi amumyoyo yabo.
16 Pele mebo ndiyookwiilila Leza,Eelyo Jehova uyoondifwutula.+
17 Mangolezya, mafwumofwumo asyikati ndilapenga akutongela,+Eelyo walo ulalimvwa jwi lyangu.+
18 Uyoondivwuna* akundipa luumuno kuli baabo bandilwana,Nkaambo makamu-makamu andizinga.+
19 Leza uyoomvwa akubasubula,+Ooyo uukkede acuuno cabwami kuzwa kaindi.+ (Sela)
Bayookaka kucinca,Aabo ibatamuyoowi Leza.+
20 Walo* wakalwana baabo bakkede muluumuno anguwe;+Wakajaya cizuminano cakwe.+
21 Majwi aakwe mateteete kwiinda mafwuta aazwa kumukupa,*+Pele mumoyo wakwe muli mazwanga.
Majwi aakwe mateteete kwiinda mafwuta,Pele mapanga aasomwedwe.+
22 Kowaala mukuli wako uuminya mumaanza aa Jehova,+Eelyo walo uyookulanganya.+
Kunyina nayoolekela muntu uululeme kuti awe.*+
23 Pele yebo, O Leza, uyoobawisizya mucilindi calufwu cilamfwu kapati.+
Ibantu aabo bajisi mulandu wabulowa alimwi ibampelenge tabakaponi cisela camazuba aabo aabuumi.+
Pele mebo, ndinoosyoma nduwe.
Bupanduluzi buyungizyidwe
^ Amubone Bupanduluzi Bwamabala.
^ Naa “Alimwi utalisisi ciindi nondipaila kuti undigwasye.”
^ Mu Chihebrayo, “koandaanya mulaka wabo.”
^ Naa “omuntu iweelene andime.”
^ Naa “Cikkalilo Cabafwu.” Amubone Bupanduluzi Bwamabala.
^ Mu Chihebrayo, “Uyoondinununa.”
^ Nkokuti, muntu uulya wakali mweenzinyina iwaambwa mutupango 13 a 14.
^ Bamwi baamba kuti “maumba.”
^ Naa “adadalike; azungaanizyigwe.”
