Intembauzyo 3:1-8
Lwiimbo lwa Davida naakali kutija Abisalomu+ imwanaakwe.
3 O Jehova, nkaambo nzi basinkondoma ncobavwula boobu?+
Nkaambo nzi bantu banji ncobandibukila akundilwana?+
2 Bantu banji bandaamba kuti:
“Leza takoomufwutula pe.”+ (Sela)*
3 Nokuba boobo, yebo O Jehova, uli ntobo iindikwabilila koonse-koonse,+Uli bulemu bwangu+ alimwi nduwe wiintamuna mutwe wangu.+
4 Ndilakwiilila Jehova,Eelyo ulandivwiila kuzwa kucilundu cakwe cisalala.+ (Sela)
5 Ndilalandabala akoona;Alimwi ndiyoobuka kandili kabotu,Nkaambo Jehova nguundigwasya lyoonse.+
6 Tandiyoowede zyuulu-zyuulu zyabantuAabo balibambilide kundilwana kuzwa kumbazu zyoonse.+
7 Nyamuka, O Jehova! Kondivwuna,+ O Leza wangu!
Nkaambo yebo ulabauma kumweebo basinkondoma boonse;Ulatyola meno aababi.+
8 Lufwutuko luzwa kuli Jehova.+Cileleko cako cili aabantu bako. (Sela)
Bupanduluzi buyungizyidwe
^ Amubone Bupanduluzi Bwamabala.
