Intembauzyo 102:1-28
Imupailo wamuntu uupengede ciindi natyompedwe akwaamba zintu zyoonse zimupenzyede kumbele lya Jehova.+
102 O Jehova, komvwa mupailo wangu;+Akusike kulinduwe kukwiila kwangu nondilomba lugwasyo.+
2 Utandisisi busyu bwako ciindi nendili mumapenzi.+
Kocenjeka kutwi kwako* kulindime;Kofwambaana kundivwiila nendiita.+
3 Nkaambo mazuba aabuumi bwangu amana mbuli busi,Alimwi mafwuwa aangu apya mbuli cikko.+
4 Moyo wangu waumpwa mbuli bwizu akuyuma,+Nkaambo ndaluba kulya cakulya cangu.
5 Akaambo kakuti ndatongela kapati,+Nyama yamubili wangu yanamatila kumafwuwa aangu.+
6 Ndakozyanya asifundwe wamunkanda;Ndaba mbuli tumba wamumatongo.
7 Ndaba acilabila;*Ndili mbuli kayuni kakkede kalikke aciluli caŋanda.+
8 Buzuba boonse basinkondoma balandisampaula.+
Aabo bandifwubaazya babelesya zina lyangu nebasinganya.
9 Nkaambo ndilya mulota mbuli cinkwa cangu,+Alimwi cakunywa cangu civweledwe misozi,+
10 Akaambo kabukali bwako akunyema kwako,Nkaambo wakandinyamuna mujulu kutegwa undisowele kumbali.
11 Mazuba aabuumi bwangu ali mbuli cimvwule cizimaana,*+Alimwi mebo ndaneta mbuli bwizu.+
12 Pele yebo, O Jehova unooliko lyoonse mane kukabe kutamani,+Alimwi mpuwo* yako inooliko kumazyalani oonse.+
13 Masimpe yebo uyoonyamuka akumufwida luse Ziyoni,+Nkaambo nceciindi cakuti umufwide luzyalo;+Ciindi cibikkidwe casika.+
14 Nkaambo babelesi bako balaakkomanina mabwe aakwe+Alimwi balaluyanda kapati lusuko lwakwe.+
15 Masi anakuyoowa zina lyako, O Jehova,Alimwi bami boonse baanyika banakuyoowa bulemu bwako.+
16 Nkaambo Jehova uyooyakulula Ziyoni;+Uyoolibonya mubulemu bwakwe.+
17 Uyooswiilila mupailo wabaabo bapengede kapati;+Mupailo wabo takaukaki pe.+
18 Eeci calembelwa zyalani liciboola,+Kutegwa bantu bayoozyalwa* kumbele bakatembaule Ja.
19 Nkaambo walo ulanga ansi kuzwa kubusena bwakwe busalala busumpukide,+Kuzwa kujulu Jehova ulanga nyika,
20 Kutegwa amvwe kutongela kwabaange,+Kuti aangunune baabo bapedwe mulandu wakujaigwa,+
21 Kutegwa zina lya Jehova likaambilizyigwe mu Ziyoni+Akuti akatembaulwe mu Jerusalemu,
22 Ciindi bantu alimwi amamiBaakubungana antoomwe kuti bamubelekele Jehova.+
23 Walo wakamanizya nguzu zyangu kacitanasika ciindi,Wakakosola mazuba aabuumi bwangu.
24 Ndakati: “O Leza wangu,Utandijayi eelyo mazuba aabuumi bwangu naacili akati,Yebo oojisi myaka iizumanana kumazyalani oonse.+
25 Kaindi yebo wakabikka ntalisyo yanyika,Alimwi majulu milimo yamaanza aako.+
26 Eezyi ziyooloba, pele yebo unooliko lyoonse;Mbubonya mbuli cisani, zyoonse buyo ziyoomana.
Mbubonya mbuli cisani uyoozisowa akubikka zimbi, pele azyalo eezyo ziyooloba mbubonya.
27 Pele yebo uli mbubonya mbuli lyoonse, alimwi myaka yako tiikamani pe.+
28 Ibana bababelesi bako banoopona cakuliiba,Alimwi lunyungu lwabo lunakwiimvwi nji kumbele lyako.”+
Bupanduluzi buyungizyidwe
^ Naa “Kosintama uswiilile.”
^ Naa ambweni, “Ndakoka.”
^ Naa “ciyaabukomena.”
^ Naa “zina.” Mu Chihebrayo, “ciibalusyo.”
^ Mu Chihebrayo, “ibayoolengwa.”
